Казанда СПИД-үзәк игълан иткән конкурс җиңүчеләрен бүләкләделәр

4 декабрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Республиканың СПИДка каршы көрәш һәм профилактика үзәге хезмәткәрләре “Киләчәккә юаллама” һәм “Без сәламәт милләт. Кушыл!” дип исемләнгән ике конкурс уздырды. 

Бүген дөньяда 37 миллионнан артык кеше ВИЧ белән яши. Авыру йоктырган кешеләрнең күпчелеге Африкада яши. Россиядә ВИЧ авырулы 800 000 артык кеше исәпләнә.

Татарстан мәктәпләрендә һәм югары уку йортларындагы лекцияләрдән, төрле акцияләрдән тыш СПИДка каршы көрәш һәм профилактика үзәге белгечләре ВИЧ проблемасына халыкның игътибарын юнәлтү өчен төрле конкурслар оештыра.

“Конкурс – һәрвакыт кызыклы эш, ул кешеләрне гел кызыксындыра. Һәм кешеләрдә белемгә ихтыяҗ барлыкка килә. Һәм нәкъ шуңа өметләнеп без бу конкурсны игълан иттек тә. Һәм ул узды. Без бик күп кызыклы эшләр алдык. Моны алга таба да дәвам итәрбез дип уйлыйм”, - диде республиканың СПИДка каршы көрәш һәм профилактика үзәге Баш табибы Нияз Галиуллин.

“Без сәламәт милләт. Кушыл!” фотоконкурсы һәм “Киләчәккә юллама” видеоконкурсы 2018 елның июленнән ноябрь аена кадәр узды.

Теләгән һәркем бу вакыт эчендә аларда катнашып, сәламәт яшәү рәвшен пропагандалауга, гаилә кыйммәтләрен һәм әхлакый нигезләрне саклауга үз өлешен кертә алды.

“Без сәламәт милләт. Кушыл!” конкурсы катнашучылары konkurs.infospid.ru махсус сайтына конкурс темасы буенча позитив фотографияләр урнаштырды. Җиңүче Татарстанның Балтач районыннан Айрат Закиров – оештыручылардан бүләккә цифрлы көзгеле фотоаппарат алды. Моннан тыш, ай саен яңа өстәлгән катнашучылар арасында профессиональ фотосессиягә сертификат уйнатылган.

Конкурска бөтен Татарстан Республикасыннан 760 фотография тәкъдим ителгән.

Иң күп фотографияләр Казан, Яр Чаллы шәһәрләреннән, Әлки, Әлмәт һәм Балтач районнарыннан килгән.

Конкурста хәтта Россиянең башка төбәкләрендә – Мәскәү, Башкортстан, Ульян, Калуга һәм башка өлкәләрдә яшәүчеләр дә катнашкан.

Профессиональ фотосессиягә сертификатларны Илсур Хәйдаров, Ләйлә Гайфуллина, Фәнүзә Ибраһимова һәм Ксения Ларионова откан.

“Киләчккә юллама” конкурсында җиңүче булып Нурлаттан Инсаф Миңнеханов танылды.

“Киләчәккә юллама” роликлары өчен төп шарт - автор видеода үз-үзенә шәхси карашларын сөйләргә һәм алдагы көнгә теләкләрен белдерергә тиеш. 

Сүз уңаеннан, быел бөтен дөнья буенча СПИДка каршы көрәш көне 30 нчы тапкыр билгеләп үтелде. Бөтендөнья сәламәтлек саклау оешмасының СПИДка каршы көрәш буенча Глобаль программасы өчен җәмәгатьчелек мәгълүматы мәсьәләләре буенча хезмәткәрләре - Джеймс Бунн һәм Томас Неттер әлеге датаны билгеләп үтүне 1988 елда тәкъдим иткәннәр.

ВИЧ-инфекция таралуга җәмәгатьчелекнең игътибарын юнәлтү, аның турында мәгълүматны арттыру һәм СПИД белән ВИЧ йоктырганнар турында уйдырамаларны юкка чыгару өчен бу идеяне дөньяның бар дәүләтләре дә кабул иткән.

СПИДка каршы көрәшнең халыкара символы – “кызыл тасма” – махсус рәвештә бөтерелгән ефәк тасма кисәге. Эмблеманы 1991 елда Америка рәссамы Франк Мур ясаган. Ул 2002 елда, 48 яшендә СПИДтан вафат булган.


  Без Инстаграмда

Фикерләр








Җәмгыять

Путин белән “Туры элемтә”: хезмәт хакы һәм пособие, керем һәм ришвәтчелек, авыл халкы һәм сәламәтлек турында

Бүген Россия Федерациясе Президенты Владимир Путин унҗиденче тапкыр “Туры элемтә”дә катнашты. 4 сәгать тә 8 минут барган очрашуда Путин 81 сорауга җавап бирде. "Интертат" “Туры элемтә”дә яңгыраган әһәмиятле мәсьәләләрне һәм мөһим фикерләрне тәкъдим итә.

Җәмгыять

Казанда юл фаҗигасендә һәлак булган 15 яшьлек кызның әти-әнисе: “Без яңадан яшәргә өйрәнәбез”

Казанның Вахитов районы судында “Фольксваген Джетта” йөртүчесенә карата ачылган эшне карый башладылар. Ул 10 мартта 15 яшьлек Айсинә Булычеваны бәрдереп үтерә һәм авария урыннан качып китз. Бу һәлакәт кыз светофорның яшел утына юл аркылы чыкканда булды. Беренче утырышта суд гаепләнүчедән һәм шаһитләрдән юл фаҗигасенең ничек килеп чыкканын сөйләүләрен үтенде. Суд залыннан - “Татар-информ” репортажы.

Җәмгыять

“Йөрәк түрендә - ятимлек ачысы”

Сугыш, ятимлек, ачлык... Хәзерге заман баласы өчен бу күренешләр түгел, сүзләр дә ят. Без аларны кинолар карап, китаплардан укып кына беләбез. Мин, кечкенәдән әби-бабай белән үскән кыз, сугыш заманында булган хәлләр турында алардан ишеткәләдем. Һәм өй түрендә торучы фотосурәткә гел күзем төшә иде. Бу фотосурәттә бабамның әти-әнисенең кызганыч, авыр тормышы яшеренгән. Сүзем Мамадыш районы Усали (элекке Өчиле) авылында гомер итүче Зиннәтов Миңнулла Зиннәт улы турында.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла