Интертат тәкъдим итә: ватсапта таралган кызыклы видеолар

7 январь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Зилә МӨБӘРӘКШИНА
"Интертат" соңгы елларда мессенджерларда һәм социаль челтәрләрдә таралган иң популяр һәм кызыклы татарча видеоларны барлады.

Россиянең Initiative агентлыгы мәгълүматларына караганда, видео контентларны караучыларның саны соңгы ярты елда 14%ка үскән. Видеоларны карау вакыты буенча Россиялеләр беренче урында тора икән. Интернет-кулланучы видео карауга бер айга 21 сәгатен сарыф итә, социаль челтәрләрдә уртача 218 видеоролик карый. 

1. “Әлфия, кайда соң син?”

Әлеге видеоролик “Властелин колец” фильмыннан, ул өзек татарча тавышландырылган. Авторы билгесез. 

Үзенчәлеге: коточкыч кыяфәтле җан иясе - Голлум кычкырганда аның мимикасы нәкъ менә "Әлфия" дип кычкырганны хәтерләтә.

2. “Татарның биюче миллионеры”

Үзенчәлеге: Олы яшьтәге ир кеше хатыны классик татар фатирында - сервантка тезелеп киткән савыт саба фонында бик үзенчәлекле итеп бии, ашарга пешерү белән мәшгуль хатынын кочакламакчы була, хатыны аны читкә этәрә. 

Видеороликның герое – күп еллар буенча укытучы булып эшләгән Илшат Абзалов. Бу турыда “Шәһри Казан” газетасы язып чыкты. “Видео төшергән көнне минем туган көнем - 55 яшем иде. Хатыным кунаклар килүгә табын әзерли, ә мин үземчә ярдәм итеп йөрим. Улым да өйдә иде һәм минем биегәнне ялт кына төшерде дә, Инстаграмга куйды.

Шулкадәр популяр булуым хәтта төшемә дә кергәне юк иде. Хәзер тукталышта да тыныч кына басып тора алмыйм, кибеттә дә танып алалар... Хәтта реклама бирүчеләр дә, аларның товарын рекламалау өчен мөрәҗәгать итә башлады.

Гомер буе укытучы булып эшләдем, 50 яшьтән пенсиягә чыктым. Хәзер сакчы булып эшлим. Сәламәтлек белән берникадәр проблемалар башлангач, табибка бардым. Ул: «Сезгә авыр әйбер күтәрергә ярамый. Гел хәрәкәттә булыгыз - күбрәк биегез», - диде. Табиб кушкач, биисең инде! Көн-төн биим дип әйтә алмыйм, әмма көн дә биергә тырышам. Əле бу видеоның дәвамы булыр, улым тагы төшерер дип уйлыйм. Ə хатыным минем бик оялчан гына. Ул видео буенча аны күпләр усал икән дип уйлады. Юк, юк. Ул минем кебек биергә яратмый. Аның үзенең яраткан шөгыльләре бар һәм ул аларны «5»легә башкара”, - дигән Илшат Абзалов.

3. “Язлар җиткән чакта, кошлар киткән чакта...”

Үзенчәлеге: Абзыйның үзен бик иркен тотуы, җырны кызыклы итеп башкаруы һәм җырның сүзләрен абсурд итеп үзгәртүе - "Язлар җиткән чакта, кошлар киткән чакта". 

Авторы билгесез. Актанышта төшерелгән дигән мәгълүмат бар.

Видеороликның герое – гап-гади авыл абыйсы. “Прикольный” җыр җырларга кушкач, ул: “Бер җырым бар иде, нык матур”, - дип, җырчы Альбина Хәкимова башкаруында “Күңелдә язлар әле” (Марат Кәбиров сүзләре, Ризван Хәкимов көе) җырын үзгәртеп җырлый:

“Язлар җиткән чакта, кошлар киткән чакта 
Сагышлардан кайтырмын. 
Ярсып аккан чишмә болын күлләрендә 
Сагышлардан кайтырмын. 
Язлар җиткән чакта, кошлар киткән чакта 
Сагышлардан кайтырмын. 
Язлар җиткән шулай, болыннары шулай 
Язлар җиткәч кайтырмын”.

4. “Сагындым сезне, кызлар!”

Үзенчәлеге: Олы яшьтәге абзыйның, күз яшьләре белән бик эмоциональ елавы.

Автор бергә укыган кызларын сагынган, күз яшьләрен чыгарып, мөрәҗәгать итә: “Исән-сау гына булып, 24ләре җитсә генә ярар иде. Очынып кайтып җитәр идем. Барыгызны да күрәсем килә, шулкадәр күрәсем килә! Бертуган сеңелләрем кебек, барыгызны да күрәсем килә, шулкадәр күрәсем килә, малай. Әйтәм бит, 20 ел узганга ышанасы килми. Паспорт бар, көзге бар, битең дә инде әбәзиән ... кебек булган, ә күңел бит һаман яшь! Һаман да шул 18дәге кебек. И, Алла, кызлар, сезнең алда әллә нинди хәшәрәт булып күренәм, ахрысы. Зинһар, ачуланмагыз. И, сагындым, сагындым, сагындым да инде. Шулкадәр күрәсем килә сезне!” - ди ул.

Бу кеше - Чувашиядән Рәфис Атаказов булып чыкты. Кем икәне билгеле булгач, ул популяр блогерга әйләнде. "Интертат"ка ул бу видеоның төркемдәш кызларына багышлап яздырганын сөйләде.

5. “Авыз ачарга биш минут калды”

Үзенчәлеге: ураза вакытында чыккан роликта ашыйсы килү турында сүз бара.

Пингвинның түземсезлек белән сикереп йөрүен Ураза вакытына туры китереп: “Авыз ачарга биш минут калды” дип, татарча тавышландырганнар. Авторы билгесез.

6. "Күпме бәрәңге монда!"  

Үзенчәлеге: авыл халкының төп эшләренең берсе булган бәрәңгегә багышланган. Абзый бик нык сүгенеп, бәрәңгенең кирәк түгеллеге турында сөйли.

Кем икәне әлегә билгесез.

7. Маймыл татарча сөйләшә

Үзенчәлеге: озын койрыклы, үзенчәлекле кыяфәтле маймыл мишәр акценты белән "сөйләшә".

Бу видеороликның беренчесе салкын җәйгә бәйле рәвештә чыкты. Маймыл "ни өчен җәй юк" дип борчыла.

Җәй узганнан соң маймыл "теманы үзгәртте". Ватсапларда башкача тавышландырылган роликлар таралды. Маймыл инде "ни өчен төркемдә кешеләр юк" дип борчыла башлады. Бу ролик ватсап төркемнәрдә кеше булмаганда еш кулланыла.

Авторы билгесез.

8. Юлиана татар теле дәресләрен сорап елый

Үзенчәлеге: рус кызы татар теле дәресләренең юкка чыгарылуына зарланып елый. Татар телен укытуга бәйле рәвештә гауга барган чакта мондый видеоның чыгуы күп кешеләргә бик авыр тәэсир итте.

Бу кыз - Буа районыннан Юлиана. Ул дөрестән дә татар теле дәресләрен яратуы турында "Татар-информ"га интервьюсында сөйләде. Роликны аның әнисе төшергән.

9. "Хәләл Яңа ел"

Үзенчәлеге: бөтен кешегә дә билгеле фильм.

Яңа ел бәйрәменә әзерлек көннәрендә "Кавказская пленница" фильмындагы өзек популярлашты. Анда Юрий Никулин белән Георгий Вицин Яңа елны хәләл ризыклар белән бәйрәм итү турында сөйләшә. Бу видеоролик Инстаграмдагы популяр пабликларның берсендә әзерләнгән.

- Яңа елга кирəк: сарык (шашлыкка), ким дигəндə, 30 кило.
- 30 кило.
- Əлбəттə, хəлəл сарык.
- Хəлəл.
- Чыршы. Артык кыска булмасын. Балалар йолдызын урламасын өчен.
- Озынны.
- Эчемлеклəр: компот һəм чəй.
- Ə моны?
- Быел хəлəл.
- Алайса, мин килмим.
- Тəк, килмəсəң килмə. Быел Яңа ел хəлəл! - дип татарча "сөйлəшə" алар.


  Без Инстаграмда

Фикерләр








Җәмгыять

Казанда юл фаҗигасендә һәлак булган 15 яшьлек кызның әти-әнисе: “Без яңадан яшәргә өйрәнәбез”

Казанның Вахитов районы судында “Фольксваген Джетта” йөртүчесенә карата ачылган эшне карый башладылар. Ул 10 мартта 15 яшьлек Айсинә Булычеваны бәрдереп үтерә һәм авария урыннан качып китз. Бу һәлакәт кыз светофорның яшел утына юл аркылы чыкканда булды. Беренче утырышта суд гаепләнүчедән һәм шаһитләрдән юл фаҗигасенең ничек килеп чыкканын сөйләүләрен үтенде. Суд залыннан - “Татар-информ” репортажы.

Җәмгыять

Бер гаиләдә ике Ралинә: әнисез калган ятимә кыз яңа гаиләдә наз тапкан

Әтисез ятим – ярты ятим, әнисез ятим – тулы ятим, дип халыкта юкка гына әйтмиләр. 12 яшьлек Ралинәнең әнисен машина бәрдереп, кыз ятимлек ачысын татый. Аның язмышы нәни Апушның балачагын да хәтерләтеп куя. Әнисез калган баланың әтисенә дә кирәге калмый. Дүрт ай төрле гаиләләрдә каңгырып йөргәч, Ралинәне бик яхшы бер гаилә үз канаты астына ала.

Җәмгыять

"Мине Ходай нәкъ шул вакытта шул урында бул дип җибәргән кебек”: Әлмәттә ике егет буада баткан балаларны коткарган

31 май Әлмәттә яшәүче ике икенче класс баласы өчен гомерләренең соңгы көне була язып кала. Алар буада бата, бәхеткә, шул тирәдә булган ике балыкчы балаларны коткарып кала. Судан чыгарганда малайларның икесе дә ярым үлем хәлендә була. Вакыйга турында тулырак – “Татар-информ”да.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла