Дүрт миллионлык Сабан туе, бер мәйданда – 3 меңнән артык артист, актанышлыларның түбәтәйле “мөгезе” - Республика Сабан туйларыннан 10 кызыклы мизгел

18 июнь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Чулпан ШАКИРОВА
Узган ялларда район һәм авылларда Сабантуйлары гөрләде. Республика Сабантуйларыннан 10 иң кызыклы мизгел "Интертат.татар" күзәтүендә.

 Дүрт миллионлык Сабан туе

Тукай районы Сабан туе 4 млн сумга төшкән. Бәйрәм үткәрүдә спонсорлык ярдәмен районның җирле предприятиеләре күрсәткән, дип яза chelny-biz.ru

Алдарак Тукай Сабантуена Элвин Грей килә дип хәбәр ителгән булса да, бәйрәмнең төп кунагы – Фирдүс Тямаев булган.

Төп бүләк - мотоблок

Кайбыч Сабантуеның баш батыры Владимир Токсаровка тәкәдән тыш мотоблок бирелгән. Башка районнарда суыткыч, телевизор бүләк ителде.


Сабантуймы, артисттуймы?

Түбән Кама Сабан туенда 3 меңнән артык артист чыгыш ясаган. Бәйрәмдә барлыгы 37 мең кеше булган.

Лаешта кино төшергәннәр

Лаеш Сабан туенда National Geographiс телеканалы журналистлары эшләгән. АКШның National Geographic телеканалы журналистлары Казандагы мундиаль матчлары алдыннан күрсәтү өчен Сабан туе турында фильм төшергән. Моңа кадәр алар Калининград, Мәскәү һәм Волгоградта булган инде.

Фазлыевлар эшләгән дә, ял да иткән

Алсу һәм Азат Фазлыевлар Кукмара районы Олыяз авылында чыгыш ясаганда, уеннарда катнашырга да өлгергән. Икесенең дә күзләрен бәйләгәннәр һәм Алсу кыңгырау шалтыратып, Азатны үзенә чакырып йөргән. Әллә яулыклары шуның кадәр генә бәйләнгән, әллә башка сәбәп, Азат Алсуны тиз арада эзләп таба.

Тәтешнең арбалы хатыннары

Тәтештә кул арбаларына утырып узышканнар. Әмма арбаны ирләр түгел, ирен яки улын утырткан хатын-кызлар эткән.

#Тетюши #Сабантуй-2018

Публикация от Тетюши-газета "Авангард" (@tetuch_awangard)

Түбәтәйле Сабантуй

Актанышта - “Түбәтәйле Сабантуй” узды. Алдан хәбәр ителгәнчә, Сабантуй кунаклары түбәтәйдән килергә тиеш иде. Әлеге кагыйдәгә актанышлыларның барысы да буйсынганмы-юкмы, әмма район башлыгы Энгель Фәттахов кап-кара ыспай түбәтәйдән! Чынлап! Бу фотода гына ул түбәтәен кулына тоткан.

Хәйрияче Сәлимов

Венер Сәлимовның әтисе авылда, яшьләргә Сабантуй бүләге итеп, тәкә бүләк иткән.

Соңарган Илсөя

Буада Сабан туе быел бер генә көн үтте. Башка елларда “Буа алан” дигән сабантуе мәйданчыгында сабантуй ике көн гөрли иде: көндезге һәм кичке сабантуй. Быелгысы 14 сәгатьтә башланды. Эстрада йолдызларыннан Зәйнәп Фәрхетдинова һәм Зөфәр Билалов, Ландыш Нигъмәтҗанова, Илсөя Бәдретдинова чыгыш ясаган. Бәдретдинова номеры кичке 6га билгеләнгән булган, әмма ул тиешле вакытына килеп өлгермәгән, дип хәбәр итә буалылар.



  Без Инстаграмда

Фикерләр








Җәмгыять

"Россия педагогикасы атеистик совет мәктәбен идеаллаштыра, ә мөселманнар фикеренчә, хәзерге заман мәктәпләрендә балалар тискәре үрнәк ала"

Мөселманнарга дини һәм дөньяви белем бирү мәсьәләләре кайвакыт терроризм һәм экстремизм идеяләренә каршы көрәш буларак карала. Моны көч структуралары вәкилләренең ялкынлы чыгышлары да раслый. Бигрәк тә Татарстан Эчке эшләр министры Артем Хохоринның мөселманнарның өйдә укыту формасын сайлау белән бәйле рәвештә “икенче буын сәләфитлар” оешу куркынычы турындагы чыгышы моны дәлилли.

Җәмгыять

Рөстәм Усманов, “Газпром трансгаз Казан”: “Безнең коллектив иң җитди бурычларны да чишә һәм яңа үрләр яулый ала”

Компаниянең хәзерге өстенлекләре, Татарстан җитәкчелеге белән хезмәттәшлек планнары, кадрлар политикасы һәм оешманың хәзерге казанышларында профессионалларның роле турында журналистлар белән аралашкан вакытта ООО “Газпром трансгаз Казан” генераль директоры Рөстәм Усманов сөйләде.

Җәмгыять

Безнең заман герое: Кукмара районы кешесе Рамил Хисамов янгында өч авылдашын коткарган

Хәвеф-хәтәр килгәндә югалып, каушап калмау өстен сыйфатларның берседер, мөгаен. Кукмара районы Тырыш авылында яшәүче Рамил Хисамов һәм Гөлфинур Мифтахова әнә шул күркәм сыйфатка ия кешеләр булуларын күрсәтте. Аларның тиз реакциясе нәтиҗәсендә өч кеше исән кала. 

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла