Бер-берсен табышканнар: ялан кырда багана һәм КАМАЗ

5 Июля 2018

Автор: Елена КРИВОПАТРЕ, sntat.ru
Фото: ГУ МЧС России по РТ
Татарстанның Кама Тамагы районында килеп чыккан авария бөтен ил буенча журналистларның һәм халыкның игътибарын җәлеп итте. Басу кадәр басуда багана табып, шуңа бәрелгән КАМАЗ ничек гаҗәпләндермәсен?!

24 июнь көнне Кама Тамагы районының Красновидово һәм Теньки авыллары арасында “КАМАЗ” йөртүчесе юлдан читкә чыга һәм электр тапшыру линиясе баганасына бәрелә.

Татарстан буенча Гадәттән тыш хәлләр министрлыгы Баш идарәсе матбугат хезмәте мәгълүматлары буенча, 56 яшьлек йөртүче идарәне югалткан һәм баганага килеп бәрелгән.

Бәрелү шулкадәр көчле була ки, зур диаметрлы бетон багана җиргә ава. Авария урыныннан шоферны хастаханәгә алып киткәннәр.


“Йөртүче йоклап киткән дип тә әйтәләр. Ул бәрелгән электр баганасы берничә районны электр белән тәэмин итә. Фаҗига урынына тиз арада төрле махсус хезмәтләр килеп җитте. Алар авария нәтиҗәләрен тиз юкка чыгардылар. Электр килүне бер-ике сәгать эчендә торгыздылар, ә багананы икенче көнне куйдылар. Тиз эшләделәр”, - дип сөйләде Красновидово авылы башлыгы Владимир Оленин.

Авылда ут беткәч, Красновидово халкы борчуга кала, нәрсә булганы белән кызыксына башлый. Авария турында хәбәр авылда бик тиз тарала.

Екатерина Филимонова сөйләвенчә, авариядән соң ук, шоферның исерек булуы турында авылда имеш-мимешләр таралган.

- Авария булганда ирем бензин пычкысы белән агачлар кисә иде. Өйдә ут сүнде. Сәбәбен ачыклый башладылар. Авылдан ерак түгел генә җирдә авария булган икән – “КАМАЗ” машинасы электр баганасына бәрелгән. Ул багана шактый зур иде, юл читендәге гадәти баганалар кебек кенә түгел. “Камаз” аны ничек аударгандыр, аңлашылмый. Моның өчен югары тизлектә барырга кирәк, яки аңа йөк төялгән булгандыр, ягъни, бу багананы аударыр өчен шактый көч куярга кирәк. Шофер исерек булган диләр, - дип исенә төшерә Екатерина.

Красновидово авылы башлыгы кебек үк, Екатерина да ут бераз вакыт кына булмый торды диде. Япан кыр уртасында багана белән йөк машинасы йөртүчесе бер-берсен ничек тапканнардыр, моны авыл халкы әле дә аңлый алмый.


“КАМАЗ” барган юл тыныч һәм тигез. Анда кискен борылышлар, агачлар һәм башка каршылыклар юк. Юлдан баганага кадәр басу аркылы тагын бераз ара бар. Мөгаен, йөртүче борылыштан узып, туры баруын дәвам иткәндер һәм баганага шулай бәрелгәндер”, - дип дәвам итә Екатерина.

“Анда борылыш бар, ләкин аны артык текә дип булмый. Борылыштан соң юл дамба буенча якынча бер метр биеклектә бара. Без аның узып киткәнен, дамбадан чыкканын күрдек. Шундый биеклектән ул баганага кадәр күпме метр узып аңа бәрелергә кирәк – мин хәтта күз алдыма да китерә алмыйм. Бетон багана югары вольтлы линия. Электрны дүрт сәгатькә аердылар. Йөртүче идарәне югалткан дип әйтәләр, мөгаен, йоклап киткән булгандыр. Хәер, йоклап киткән булса да, ул дамбадан төшкән чакта барыбер уянган булыр иде. Бик сәер, аның ничек бәрелгәненә бездә әле һаман да гаҗәпләнәләр”, - дип сөйләде шул авыл кешесе Наталья Обедина.

Җирле халык сөйләвенчә, элек бу урында мондый хәлләр булмаган.

Бу хакта тулырак белергә теләп, без Татарстан Эчке эшләр министрлыгының матбугат хезмәтенә мөрәҗәгать иттек. Башлангыч версия буенча, йөртүчедә хроник авыру өянәге башланган, дип сөйләделәр.

“Ир-атның бик нык күңеле болганган һәм ул аңын югалткан. Ул мизгелдә йөк машинасы юлдан барган, ә нәкъ шул урында юл дугаланып китә, йөртүче сулга таба киткән, шуннан соң басуга чыккан һәм юлдан ике йөз метр читтәге баганага килеп бәрелгән. Берникадәр вакыт әле машинаның тәгәрмәчләре әйләнеп торган, соңыннан ир-ат аңына килгән”, - дип сөйләделәр матбугат хезмәтендә.


Ир-ат дәваланганнан соң, аның сәламәтлегенә никадәр зыян килгәне билгеле булачак һәм җинаять эше ачу турында мәсьәлә каралачак. Башкача әйткәндә, ир-ат юл һәлакәтен булдырмый кала алган булыр идеме, хокук сакчылары шуны ачыклаячак.

Казанның 7 нче хастаханәсенә ирне авариядән соң алып килгәннәр. Хастаханәдә сөйләгәнчә, аны 2 июль көнне чыгарганнар, ләкин әле аңа берничә медицина тикшерүе узарга туры киләчәк.


Фикерләр








Җәмгыять

Отышлы, уңайлы, якында: “Ситилинк” электрон дискаунтеры Казанда икенче тулы форматлы кибетен ачты

Күңелле музыка, кызыклы конкурслар һәм кулларында тартмалар булган дистәләгән бәхетле кеше. Татарстан башкаласында Зәкиев урамы, 1 йортта урнашкан “Победа” сәүдә үзәгендә Россиядә әйдәп баручы онлайн-ритейлер – “Ситилинк”ның терминаль сату буенча икенче тулы форматлы үзәге эшли башлады. “Ситилинк” – илдәге иң эре «MERLION» IT-дистрибьюторының берәмләп сату пректы электрон дискаунтеры.

Җәмгыять

Яңа клуб ачылышында катнашкач, "Интертат" хәбәрчесенең авылга күчеп китәсе килгән

Арча районы Урта Бирәзә авылында яңа клуб ачылды. Бу тантаналы вакыйгада яшь журналист Назлыгөл Мәсәлимова да катнашты. Ул Айдар Фәйзрахмановның туган ягында алган тәэсирләре белән уртаклаша.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла