Җырчыларның матурлыгы ничә сум тора?

16 январь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Эльвира ШАКИРОВА
Артист халкын матур, дибез. Ә, чынлыкта, бу матурлыкның ничә сумга төшүен белмибез дә һәм күз алдына да китермибез. Җырчылар чәчтарашханә, косметолог, фитнес өчен аена ничә сум акча туздыра? Интертат сораштыру үткәрде.

Лилия Хәйруллина: Яшь барган саен матурлыкның хакы арта


Лилия Хәйруллина: Матурлык кыйбат тора, дип уйлыйм мин. Яшь барган саен аның хакы арта. Күп нәрсә үзеңнән, теләгеңнән тора. Теләк булганда гына нәтиҗә булачак. Үз өстеңдә үзең эшләргә кирәк. Мәсәлән, фитнеска йөрү. Косметологка һәм чәч буятырга ай саен йөрмим, өч айга бер тапкыр барам. Ул 15 мең сум тирәсе чыга. Фитнеска еллык абонемент алдым, шулай ук очсыз түгел, чөнки мин тренер белән шөгыльләнәм.

Гөлназ Асаева бизәнмәсә дә матур? 


Гөлназ Асаева: Беркая да йөрмим. Максимум ярты елга бер тапкыр косметологка барып кайта алам. СПАларга йөрергә вакытым юк.

Айгөл Бариева - "экономный" хатын


Айгөл Бариева: Фитнеска йөрмим. Косметологка да бик сирәк, елга бер-ике тапкыр йөрим. Ай саен чәчтарашханәгә барам, тырнак ясатам. Барысы бергә 3-4 мең сум тирәсе чыга. Мин - бик “экономный” хатын.

Дилә Нигъмәтуллина "экономный" түгел!


Дилә Нигъмәтуллина: Һәр айда төрлечә була ул. Мәсәлән, кайбер айда тырнак кына ясатам, кайбер айда 30 мең сумлык процедура ясыйм. Битне, чәчләрне тәрбияләү буенча косметика алам. Фитнеска килгәндә, тренер белән 10 дәрес 10 мең сум тора. Ике айга җитә ул.

Ландыш Нигъмәтҗанованың "выгодный" булуы шик уята...


Ландыш Нигъмәтҗанова: Мин беркая да йөрмим. Мин – “выгодный” хатын. 

(Әмма Ландышның Инстаграмына күз салсаң, ул косметологка да, визажистка да йөри. Әлеге фотода җырчы голливуд макияжы ясаткан).

Римма Никитина матурлыкны "бартерга" сатып ала


Римма Никитина: Минем фитнес - сәхнәдә! Хәзерге вакытта концертларым бара, спортзалга өлгермим, ике сәгать буе сикерәм, биим. Иртән зарядка ясыйм. Тырнакны Инстаграмга реклама урнаштыру шарты белән бушка ясыйлар. Косметологка вакыт булганда гына йөрим. Ә маскаларны үзем ясыйм. Гомумән, үземне кыйбатка төшәм, дип санамыйм.

Мөнир Рахмаев матурлану өчен аена 35-40 мең сум тота: "Педикюр, маникюр ясатам"


Мөнир Рахмаев: Педикюр, маникюр ясатам, чәчтарашханәгә барам, сакалны кырдырам. Барысы бергә 8 мең сум тирәсе була. Боларны һәр ике атна саен ясатам. Фитнесның еллык абонементы – 10 мең сум. Массажга йөрим. Барысын бергә җыйсаң, аена 35-40 мең сум акча китә.

Ришат Төхвәтуллинның чәч ясатуы гына да аена 10 мең сумга төшә!


Ришат Төхвәтуллин: Эш графигы тыгыз булу сәбәпле,фитнеска йөрү мөмкинлеге юк. Ләкин белүегезчә, мин сәламәтлекне саклау максатыннан йөгерәм. Консультантым - җиңел атлетика буенча танылган белгеч. Аның хезмәте арзан түгел, шулай да мин канәгать, чөнки физик һәм бигрәк тә психологик яктан күп көч җыям. 

Чәчтарашханәгә килгәндә, хәзерге вакытта берничә стилист белән эшлим. Аена 10 мең сум тирәсе чыга. Косметологка бик сирәк йөрим.

Салават Миңнехановның чәче Ришат Төхвәтуллинныкыннан 10 тапкырга арзанрак тора!


Салават Миңнеханов: Фитнеска елына 6 мең сум акча түлим. Сауна һәм башкалары да шушы бәягә кергән. Чәчтарашханәгә ике атнага бер барам. Аның бәясе - 1 мең сум.

Фикерләр








Шоу-бизнес

Гөлдания Хәйруллина: Телевизордан югалуның сәбәбе - битем бозылу иде, күренмәгән табиб калмады...

Берара эстрада җырчысы Гөлдания Хәйруллина телевизор экраннарыннан да да, сәхнәдән дә югалып торды... Хәзер яңадан иҗат дөньясына чумган ул. Бик күп концертларда катнаша, күптән түгел генә ”Шөкер ит булганына” җырына төшерелгән яңа клибы чыкты. Шушы көннәрдә “Татар-информ” хәбәрчесе җырчы белән бер хәйрия концертында очрашып, серләрен сорашты.

Шоу-бизнес

Зөһрә Сәхәбиева Филүс Каһировка рәнҗи: "Хәйдәрнең җырларын рөхсәтсез яздыра, Бигичев репертуарыннан дип куймаган!"

"Хәйдәр белән беркемне дә чагыштырып булмый. Ул киңкырлы җыр һәм опера сәнгатендә иң югары планка. Хәйдәрнең әзер репертуарын алып җырлаганда, аның исемен әйтмәүләренә рәнҗим. Гомумән, Хәйдәр җырларын яздырып, дисклар чыгаручыларга мин каршы! Аның җырларын кабатларга кирәкми, Хәйдәр Бигичевнең үзен тыңласыннар. Һәр җырчының үз репертуары булсын!" - дип сөйләде Зөһрә Сәхәбиева “Интертат”ка.

Шоу-бизнес

Фирзәр Мортазин: “Фонограммага җырлаучыларның башына тавык йомыркасы ыргытасым килә”

Камал театрында Салават Фәтхетдиновның 30нчы юбилей сезоны концертлары башланып китте. “Татар-информ” хәбәрчесе аның концерты вакытында сәхнә артында Татарстанның атказанган артисты, популяр композитор Фирзәр Мортазин белән бүгенге эстрада, дуслык, гаиләсе турында әңгәмә корды.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла