Вадим Захаров ни өчен атказанган артист исеменә лаек булганын әйтте!

9 февраль 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Эльвира ШАКИРОВА
Фото: Салават Камалетдинов
Казанда Татарстанның атказанган артисты Вадим Захаровның концерты узды. Җырчы ничек кенә тырышса да, концерт алдыннан да, сәхнәгә чыккач та каушавын яшерә алмады. Вадим тамашачы каршына чыкты да, “йөрәк кага, алдан да кага, арттан кага”, - дип, үзе дә сизмәстән тамашачыны көлдерде.
Концертта Вадимның популяр хитлары да, керәшен халык җырлары да яңгырады. Хәтерләсәгез, аның Айдар Тимербаев көенә, Руслан Чернов сүзләренә язылган “Көттермәсәк иде әнкәйләрне” җыры халык мәхәббәтен яулады. Вадим үзе дә: “Бу җырны җырлаган өчен Татарстанның атказанган артисты исеменә лаек булдым, ахрысы”, - диде.



Концертта Вадимга зур сәхнәгә аяк басарга ярдәм иткән Зөһрә Шәрифуллина, Хәмдүнә Тимергалиева, Виталий Агапов, Венера Ганиева, яшь җырчылар Альбина Абрамова, Илнар Гомәров, “Сәйдәш” бию төркеме, баянчы Рәзил Камалов, Кукмараның “Баламишкин” гармунчылар ансамбле катнашты. Тамашаны Рамил Шәрәпов алып барды.

Вадим Захаров концертыннан 5 кызыклы факт:


1. Татарстанның атказанган артисты Вадим Захаровның иҗатына 10 ел тулды.
2. Вадим Хәния Фәрхигә багышлап, аның репертуарыннан “Арала бу газаптан” җырын башкарды. Вадим бу җырны башкарырга Хәния Фәрхидән рөхсәт сораган булган.
3. Вадим Захаровка Татарстанның керәшеннәр җәмгыяте исеменнән Рәхмәт хаты тапшырылды.
4. Вадим Виталий Агаповка ишарәләп, “керәшеннәр башына эшләпә киеп йөри, мин дә эшләпә белән җырларга теләгән идем, ләкин ул өйдә онытылып калган”, - диде. Җырчы ул эшләпәнең 49900 сумлык булуын да әйтте. “Миңа аны бүләк иттеләр. Ярый әле утырып тора идем, чөнки андый кыйбатлы бүләк биргәннәре юк иде әле”, - диде Вадим.
5. Иң ерак төбәктә яшәүче тамашачыга Вадимның туган авылы Кукмара районы Пчеловод авылыннан китерелгән бал бүләк иттеләр. Бал Сургутта яшәүче ханымга эләкте.

Концерт булган көнне Казанда бик каты буран чыкты. “Кунакларың исән-сау кайтып җитә алганмы?” – дигән сорауга: “Әтиләр авылга төнге икенче яртыда гына кайтып җиткән. Иң җайлысы Виталий Агаповка булган, ул Казан-Чаллы юлына чыгып, 50 метрга үтүгә, буран туктады, диде. Иң кыены Рамил Шәрәповка төшкән. Алар төнге 3тә Уфага чыгып китте. Юлда барганда, микроавтобуслары юл кырыена төшеп ауган. Аллага шөкер, барысы да исән-сау. Ә концертка килгәндә, барысына да ошаган, әле дә җылы сүзләр килә тора”, - диде Интертатка Вадим Захаров.






































































Фикерләр








Шоу-бизнес

“Иртәнге чәй” алып баручысы Илфак Хафизов: “Үзгәрергә вакыт!”

“Болгар радиосы”ның “Иртәнге чәй” тапшыруы бер айлык ялдан соң кабат эфирга чыкты. Аның алып баручылары Илфак Хафизов, Рөстәм Гайзуллин һәм Индира нинди планнар белән эшкә керешкән? Бу хакта “Иртәнге чәй” тапшыруының продюсеры һәм алып баручысы Илфак Хафизов белән сөйләштек.

Шоу-бизнес

Илсөя Бәдретдинованың җырчысы Фәнзил Шәрифуллин: "Башка җырчыларга йөрмәгән ирләр Илсөя концертына килеп утыра"

Саба районы Югары Шытсу авылы егете җырчы Илсөя Бәдретдинова төркемендә булырмын дип уйлап та карамагандыр, мөгаен.Үзенчәлекле җырчының коллективындагы егетләр дә үзенчәлекле. Фәнзил дә шундый. Ул Интертатка Илсөя Бәдретдиновада эшләүнең ни икәнен сөйләде.

Шоу-бизнес

Кем гаепле: акчасын алып, җырчыга ошамаган клип төшергән "Барс Медиа"мы, әллә камера каршында бии белмәгән Айдар Рәкыйповмы?

2017 елның 15 сентябрендә "Барс Медиа" белән килешү төзедек. Акчасын вакытында түләдем. Ике көн үткәч, эшне башлап җибәрдек. Килешү буенча алар миңа клипны 30 көн эчендә, ягъни 1 айдан соң әзерләп тапшырырга тиешләр иде. Бер ай көттем, ике ай, өч... әле дә көтәм. Алар миннән тизрәк котылу өчен өч тиенлек клип җибәрәләр. Алар җибәргән клипның сыйфаты миңа ошамый. Әзер клип һаман юк. Документаль рәвештә клипны кайчан кулыма тапшырырлар, билгесез, дип сөйләде яшь җырчы Айдар Рәкыйпов Интертатка.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла