"Теләгәнеңне ашап та, нәфис калып була". Җырчы Иделия артык көч түкмичә ябыгырга өйрәтә

24 январь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Эльвира ШАКИРОВА
Кайчандыр Татарстанда популяр булган җырчы Иделия Марсның хәзер Майамида яшәгәнен беләсездер. Аның белән якыннан аралашу мөмкинлеге булмаса да,  җырчы Иделия үзен оныттырмаска тырыша. Күптән түгел ул Инстаграмда туры эфирга чыгып, гәүдәсен - формада, авырлыгын - нормада тоту серен әйтте.
- Алдан әйтеп куям, мин акча түләтеп, төрле кызыктыру юллары белән ябыгырга тәкъдим итүчеләргә, ябыктыра торган массажларга ышанмыйм. Массажга йөрим, ләкин тәнне тарттыру өчен түгел. Нәрсә телим, шуны ашыйм. Шуңа күрә спорт белән шөгыльләнәм. Спортзалга атнага ике тапкыр йөрим. Хәзерге вакытта авырлыгым 51 кг, буем – 165 см, - дип хисап тотты Иделия.

Шуннан җырчы яхшы формада булу өчен нәрсә эшләргә кирәклеген аңлатуга күчте.

- Күптән түгел галимнәр бер кызыклы факт ачкан. Спорт белән шөгыльләнергә вакыты булмаган кешеләр өчен махсус күнегүләр бар. Әлеге күнегүләр 45 минут йөгерүне алыштыра.

12 минутта 45 минутлык программаны ничек үтәргә - Иделия өйрәтә

  1. Башта ике минут буе йөрәккә көч китерми торган күнегү эшләргә, аннары 20 секундка авыр күнегүгә күчәргә кирәк. Кеше шушы 20 секунд эчендә арырга тиеш. 
  2. Аннан соң яңадан ике минутка тыныч ритмга күчәргә кирәк. Моны 5 тапкыр кабатларга киңәш ителә. Бу якынча 12 минут дигән сүз.
Шулай итеп, үзеңне формада тоту өчен спортзалда кендек ертылганчы, сәгатьләр буе азапланырга кирәкми, - дип исәпли Иделия.



Иделиянең 4 сере

Инстаграмда Иделия инстадусларының сорауларына да җавап бирде:
  1. Туклану турында. Камыр ризыкларын бәйрәмнәрдә генә ашарга, баллыны чикләргә кирәк. Шикәр ул яшелчәләрдә дә бик күп, шуны да истә тоту мөһим. Мин берәр гамбургер ашасам, бу ризыктан бер ай буе тыелып торам. Туклануда һәрвакыт дисциплина булырга тиеш.
  2. Социаль челтәрләр турында. Дөресен генә әйткәндә, мин социаль челтәрләрне яратмыйм. Моның иҗат кешесе өчен начар булуын аңлыйм. Ләкин урамда телефонга төртелеп йөргән кешеләрне күргәч аптырыйм.
  3. Иҗат турында. Америкага 2009 елда күчендем. Казаннан китүем иҗатыма тискәре йогынты ясады, мине оныттылар. Бүгенге уңышларыма ирешү өчен 8 ел вакыт кирәк булды. Америкада мин контракт нигезендә эшлим, шуңа күрә җырларымны таратырга хокукым юк. Инглиз телендәге җырларны яздырганнан соң, татар телендә дә җырлар яздырырга телим. 
  4. Шәхси тормыш турында. Әлегә бу хакта берни дә әйтмим. Тиздән Инстаграмда шәхси тормышым турында җитди пост чыгарачакмын.
Иделия Марс 4 февральдә Казанга кайтырга җыенуын, чаңгыда шуарга теләвен әйтте.


Фикерләр








Шоу-бизнес

Гөлдания Хәйруллина: Телевизордан югалуның сәбәбе - битем бозылу иде, күренмәгән табиб калмады...

Берара эстрада җырчысы Гөлдания Хәйруллина телевизор экраннарыннан да да, сәхнәдән дә югалып торды... Хәзер яңадан иҗат дөньясына чумган ул. Бик күп концертларда катнаша, күптән түгел генә ”Шөкер ит булганына” җырына төшерелгән яңа клибы чыкты. Шушы көннәрдә “Татар-информ” хәбәрчесе җырчы белән бер хәйрия концертында очрашып, серләрен сорашты.

Шоу-бизнес

Җырчы Дилия Әхмәтшина: Бер ноктага карап, 4-5 минут күземне дә йоммыйча, сөйләшмичә, тик кенә утыра алам

Татар эстрадасына “Сөярмен” җыры белән килеп кергән Дилия Әхмәтшина - тыйнак җырчы. Аны тамашачы нәкъ менә тыйнак һәм моңлы булганы өчен яратты бугай. Дилия Мәскәүдә яши, әмма без аны Казанда "тоттык". 

Шоу-бизнес

Зөһрә Сәхәбиева Филүс Каһировка рәнҗи: "Хәйдәрнең җырларын рөхсәтсез яздыра, Бигичев репертуарыннан дип куймаган!"

"Хәйдәр белән беркемне дә чагыштырып булмый. Ул киңкырлы җыр һәм опера сәнгатендә иң югары планка. Хәйдәрнең әзер репертуарын алып җырлаганда, аның исемен әйтмәүләренә рәнҗим. Гомумән, Хәйдәр җырларын яздырып, дисклар чыгаручыларга мин каршы! Аның җырларын кабатларга кирәкми, Хәйдәр Бигичевнең үзен тыңласыннар. Һәр җырчының үз репертуары булсын!" - дип сөйләде Зөһрә Сәхәбиева “Интертат”ка.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла