Татар-малай сөйгән ярына Элвин Грей концертында тәкъдим ясады!

25 ноябрь 2017

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Татар-малай нигы белән популярлык казанган беренче татар видеоблогеры Ринат Галиәхмәтов сөйгән ярына тәкъдим ясар өчен Элвин Грей концертын махсус сайлаган. Бу хакта ул "Татар-информ" хәбәрчесенә сөйләде.
Татар-малайның яраткан кызы - Апас кызы Илүзә Нигъмәтуллина. "Мега"да эшли. Аларның танышуларына да Элвин Грей сәбәпче булган. Билгеле булганча, Ринат Галиәхмәтов "Яраткан җырым" флешмобын башлаган иде. Бу җырның идеясе Элвин Грей концертын карагач туган. 27 январь көнне Татар PARTY дискотекасы вакытында, гадәттәгечә, Татар-малайның фанатлары фотога төшә башлаган. Фотога төшүчеләр арасында Илүзә дә булган. "Без шулай таныштык. Радик булмаса, аның җырлары булмаса, флешмобны уйлап та чыгара алмаган булыр идем. Популяр булуыма да ул сәбәпче. Шуңа да танышуыбызга да Радик "гаепле", - дип шаяртты Ринат Галиәхмәтов.

Татар-малайның тәкъдим ясавы да үзенчәлекле булган. Элвин Грей белән алдан килешү буенча, Илүзәне бер конкурста җиңүче итеп танытып, сәхнәгә чыгарганнар. Илүзә сәхнәгә чыккач, Элвин Грей "Бүләкне алып чыгам", дип, сәхнә артына чыгып киткән. Шул вакытта ут сүнгән. Ут янганда Илүзә сәхнәдә, үз янында чәчәкләр һәм балдак тоткан Ринат Галиәхмәтовны күргән. Ул Илүзәгә хатыны булырга тәкъдим ясаган һәм Радик Юльякшинга рәхмәтен белдергән.

"Мин әлегә кадәр шул хисләр астында. Тезләр калтырап тора", - дип, дулкынлануын яшермәде Ринат.

Радик Юльякшин: "Элвин Грей ЗАГСы әйбәт эшли", - дип шаяртып, яшьләргә рәхмәт әйткән. Аннары ул, бүләк итеп, "Кияүгә чык" дигән җырын башкарган.

Татар-малай моңарчы сөйгән ярының фотосын беркемгә дә күрсәтми иде. Популяр видеоблогерның иҗатын күзәтеп баручылар моны яхшы белә. Илүзә гел йөзен яшереп килде.



Һәм менә ниһаять, Илүзәнең кем икәнен дә белдек! Яшьләр туйны җәйгә планлаштыралар. 

Яшьләргә бәхет телибез!

Татар-малайның ничек тәкъдим ясавының видеосын карый аласыз.



  Без Инстаграмда

Фикерләр








Шоу-бизнес

Гөлназ Сираева: “Ирем белән аерылышсак та, дуслар булып кала алдык”

“Кайтабыз да китәбез шул, безне дә аңла инде”, - дигән җыр җырчы Гөлназ Сираевага татар эстрада сәхнәсендә үз урынын булдырырга ярдәм итте. Сез әлеге җырны хәтерлисезме? Гөлназ турында популяр иде дип әйтү дөрес микән? Ни өчен ул 7-8 елга сәхнәдән югалып торды? Аның шәхси тормышында нинди үзгәрешләр бар? "Интертат" Гөлназның үзе белән аралашты.

Шоу-бизнес

Сабан туйлары башланды: Мөнирнең җаны тынычланган, Тямаев капчык сугышын ярата, Салават атларны нигә ярата?

Сабан туе бәйрәмен күпләребез көтеп ала. Бүген тышта апрель ае, киләсе май аенда ураза, димәк, сабан туена кадәр әле вакыт бар. Мәскәүләр Сабан туе бәйрәмен иртәрәк үткәрде дип әйтергә була. Алар оештырган “Музыкаль Сабантуй” тамашасын карап кайткач: “Казанга ешрак килегезче”, - диясем килде. Ни өчен әлеге карарга килүемне хәзер аңлатып үтәм.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла