Ришат Төхвәтуллин "Ел буйдагы" буларак бөтен илгә танылган

11 февраль 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Миләүшә ЛАТЫЙПОВА, Башкортостан
Фото: Расих Фәсхетдинов
Women Day хатын-кызлар журналы җырчы Ришат Төхвәтуллинга “Ел буйдагы” номинациясен тапшырган. 2017-нче елда популяр басма үзенең 10-еллык юбилеен билгеләде. Шул уңайдан, журнал "WDay-сайлавы" дигән бәйге игълан итте. 5 номинацияле конкурсның этаплары илнең зур шәһәрләрендә үткән. Халык биргән тавыш исәбе буенча Ришат Төхвәтуллин федераль турга узып, номинацияне яулауга ирешкән.


- Ришат, әлеге номинацияне алу турында ишеткәч, нинди хисләр кичердегез? Башка нинди уйлар килде? Шатландыгызмы әллә... ?

- Бер яклап кызык булып китте. Елмаеп куйдым. Әмма шул ук вакытта бераз моңсуландым да, дип әйтер идем.

- Сезнеңчә, буйдак тормышның уңай һәм кире яклары нидә?

 - Буйдак булуның уңай яклары бәлки бардыр да, әмма, минемчә, кире яклары күбрәк. Гаилә бәхетен тойган кешенең тормышы бөтенләй үзгәрә, миңа калса. Буйдак тормышның бер бик зур уңайсызлыгын әйтә алам. Якын дуслар инде барысы да гаиләле диярлек, шуңа күрә алар белән элеккечә тыгыз аралашу мөмкинлеге кими төшә. Нинди дә булса чикләр барлыкка килә. Дуслык үзенең көчен югалтмый, әлбәттә. Ә шулай да мөнәсәбәтләр бераз үзгәрә.

- "Ел буйдагы" номинациясен сезнең ижатыгызны соючеләр ничек кабул итте? Нинди фикерләр ишеттегез?

 - Төрле фикерләр яңгырады. Кемдер котлый. Күпчелеге миңа тизрәк сөйгән ярымны табып, гаилә коруымны тели.

- Ришат Төхәтуллинның булачак тормыш иптәше нинди сыйфатларга ия булырга тиеш соң?

- Иңгә-иң атлап, тормыш сынауларын бергә җиңеп, шатлыкларга бергә куаныр өчен мин әниемә ошаган кызны сайлар идем. Минем өчен иң мөһим сыйфатлар ул, балачактан әниемдә күреп үскән - гадилек, әдәплелек, итәгатьлелек һәм нечкә юмор хисе.

- Киләчәктә Ришат нинди номинациягә чиксез шатланыр иде?

 - Берсүзсез – "Ел гаиләсе" номинациясенә!

Әлеге вакытта Ришат Төхвәтуллин чираттагы гастрольлләргә әзерләнү белән мәшгуль. Җырчы әйтүенчә, иҗат итүенең төп максаты - татар җырларын бөтен дөньяга таныту.

Фикерләр








Шоу-бизнес

“Иртәнге чәй” алып баручысы Илфак Хафизов: “Үзгәрергә вакыт!”

“Болгар радиосы”ның “Иртәнге чәй” тапшыруы бер айлык ялдан соң кабат эфирга чыкты. Аның алып баручылары Илфак Хафизов, Рөстәм Гайзуллин һәм Индира нинди планнар белән эшкә керешкән? Бу хакта “Иртәнге чәй” тапшыруының продюсеры һәм алып баручысы Илфак Хафизов белән сөйләштек.

Шоу-бизнес

Илсөя Бәдретдинованың җырчысы Фәнзил Шәрифуллин: "Башка җырчыларга йөрмәгән ирләр Илсөя концертына килеп утыра"

Саба районы Югары Шытсу авылы егете җырчы Илсөя Бәдретдинова төркемендә булырмын дип уйлап та карамагандыр, мөгаен.Үзенчәлекле җырчының коллективындагы егетләр дә үзенчәлекле. Фәнзил дә шундый. Ул Интертатка Илсөя Бәдретдиновада эшләүнең ни икәнен сөйләде.

Шоу-бизнес

Кем гаепле: акчасын алып, җырчыга ошамаган клип төшергән "Барс Медиа"мы, әллә камера каршында бии белмәгән Айдар Рәкыйповмы?

2017 елның 15 сентябрендә "Барс Медиа" белән килешү төзедек. Акчасын вакытында түләдем. Ике көн үткәч, эшне башлап җибәрдек. Килешү буенча алар миңа клипны 30 көн эчендә, ягъни 1 айдан соң әзерләп тапшырырга тиешләр иде. Бер ай көттем, ике ай, өч... әле дә көтәм. Алар миннән тизрәк котылу өчен өч тиенлек клип җибәрәләр. Алар җибәргән клипның сыйфаты миңа ошамый. Әзер клип һаман юк. Документаль рәвештә клипны кайчан кулыма тапшырырлар, билгесез, дип сөйләде яшь җырчы Айдар Рәкыйпов Интертатка.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла