Рифат Фәттахов белән Илфар Кәримов арасындагы низагка нокта куелды

8 декабрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Ләйлә ХӘКИМОВА
Әлеге минутларда Казанның "Пирамида" концертлар залында "Болгар радиосы" милли музыкаль премиясен тапшыру тантанасы уза. "Милли моңнарны саклап калуга зур өлеш керткән өчен" номинациясендә Азат Абитов белән Гөлсирин Абдуллина җиңү яулады. Аларның бүләген Рәшит Ваһапов фонды җитәкчесе Рифат Фәттахов чыгып алды.

Шушы гамәле белән "Болгар радиосы" Рифат Фәттахов белән радио җитәкчелеге арасындагы низагка нокта куелганын күрсәтте, дияргә була. 

  • Исегезгә төшерик, быел ноябрь аенда радио үткәргән "Кайнар хит" парадында Гөлсирин белән Азатның "Аккошлы күл" җыры икенче урынга чыккан иде, әмма Рифат Фәттаховны бу нәтиҗә канәгатьләндермәде. Ул хитлар өчен бирелгән тавышларның бер өлеше техник сәбәпләр аркасында саналмый калуын игълан итте, бу хакта Инстаграмында язып чыкты. "Без ноябрь ае "Кайнар хит" нәтиҗәләрен законсыз дип таныйбыз һәм аларны гамәлдән чыгаруны таләп итәбез!" - дигән иде ул. Радионың баш мөхәррире Илфар Кәримов исә тавышлар техник сәбәпләр аркасында күренмәсә дә, чынында исәпкә алынганын әйтте, әмма бу җавап Рифат әфәндене барыбер тынычландырмаган иде. Ниһаять, әлеге низагка нокта куелды.
"Болгар радиосы"ннан мәртәбәле бүләк алып чыккан Рифат Фәттахов белән әңгәмә корып алдык:

- Рифат әфәнде, Илфак Кәримов белән арагызда конфликт булып алган иде. Ничек хәл ителде?

- Уңай хәл ителде. Азат белән Гөлсиринне без бу ярышта бу премиягә лаек дип таптык. Без бернинди җырчыга да каршы чыкмыйбыз. Без бары тик Азат белән Гөлсиринне яклап чыгыш ясадык. Мин элек тә шул фикердә идем, бүген дә шул фикердә. Әле кичә генә ТНВ җитәкчеләре тагын җыелып (шунда ук ТНВның генераль директоры Илшат Әминов та бар иде), безнең белән килеште. Без Ваһаповлыларны бик хөрмәт итәбез, алар лаек бу бүләккә, диделәр. 

ТНВ җитәкчеләре Гөлсирин белән Азатны бүгенге концертка да чакырганнар иде, "Әйдә, килсеннәр, җырласыннар", дигәннәр иде. Әмма алар бүген бик еракта. Без бит концертларны "премия я була, я юк" дип үткәрми кала алмыйбыз. Без бу мәсьәләне элегрәк белгән булсак, Милли премия тапшыру тантанасында җырлыйбыз дип план корган булыр идек. Алар үзләре бирегә чыгып җырласалар, матуррак булыр иде. 

Без аларга бу бүләкне тапшырырбыз. Аларның исемнәре бүген яңгырады. Без үз теләгебезгә ирештек. Без хәзер инде бернинди дә дәгъва белдермибез, безгә сүз куптару кирәкми. Безгә лауреатларыбызның ниндидер дәрәҗәдән төшеп калмаулары мөһим. Ваһапов фестивале үзен бу концертта күрсәтәчәк.

  Без Инстаграмда

Фикерләр








Шоу-бизнес

Гөлназ Сираева: “Ирем белән аерылышсак та, дуслар булып кала алдык”

“Кайтабыз да китәбез шул, безне дә аңла инде”, - дигән җыр җырчы Гөлназ Сираевага татар эстрада сәхнәсендә үз урынын булдырырга ярдәм итте. Сез әлеге җырны хәтерлисезме? Гөлназ турында популяр иде дип әйтү дөрес микән? Ни өчен ул 7-8 елга сәхнәдән югалып торды? Аның шәхси тормышында нинди үзгәрешләр бар? "Интертат" Гөлназның үзе белән аралашты.

Шоу-бизнес

Сабан туйлары башланды: Мөнирнең җаны тынычланган, Тямаев капчык сугышын ярата, Салават атларны нигә ярата?

Сабан туе бәйрәмен күпләребез көтеп ала. Бүген тышта апрель ае, киләсе май аенда ураза, димәк, сабан туена кадәр әле вакыт бар. Мәскәүләр Сабан туе бәйрәмен иртәрәк үткәрде дип әйтергә була. Алар оештырган “Музыкаль Сабантуй” тамашасын карап кайткач: “Казанга ешрак килегезче”, - диясем килде. Ни өчен әлеге карарга килүемне хәзер аңлатып үтәм.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла