Режиссер Нурания Җамали һәр чәршәмбе ресторанда нишли?

22 Февраля 2018

Укылган: 1223 тапкыр

Автор: Ләйлә ХӘКИМОВА
Фото: Расих Фәсхетдинов
Режиссер, күп кенә сценарийлар авторы Нурания Җамали “Чәршәмбе көн кич белән” дип аталган яңа проект башлаган. Хәзер ул һәр чәршәмбе ресторанда әдәби-музыкаль кичәләр оештыра. 

“Яңа проектымны октябрь аенда тормышка ашыра башладым. “Чәршәмбе көн кич белән” исеме астында әдәби-музыкаль кичәләр оештырам. Алар сәнгать осталары, язучы-шагыйрьләр, абруйлы шәхесләр катнашында уза. Проектымның төп максаты - шигърияткә, җыр-моңга, иҗатка, сәнгатькә сусаган кешеләрне җыю”, - ди автор.

- Мондый проект башларга нәрсә этәргеч бирде?

-  “Ышанасым килми” дигән татарча кинофильмым тәэсир итте. Анда төп герой төрле кичәләр оештыру белән шөгыльләнә башлый. Шуннан мин дә, озак уйлап тормыйча, тәвәкәлләдем әле. Булыр микән, юк микән дип уйлап ята торган кеше түгел мин. Берәр идея белән яна башласам, шунда ук аны тормышка ашырырга керешәм.

- Проектның уникальлеге нәрсәдә?

- Гәдәттә, әдәби-музыкаль кичәләрне сәхнәдә уздыралар. Килгән кунаклар рәхәтләнеп аралаша, фикер алыша, тәэсирләре белән уртаклаша алмый калырга мөмкиннәр. Шуңа күрә проектымны ресторанда оештырып карыйсым килде. Табын артында сөйләшеп, җырлап, шигырь сөйләп утыру бөтенләй башка инде. Монда ниндидер җылы атмосфера барлыкка килә.

- Проект кысаларында нинди чаралар үткәрдегез?

- Темаларны һәрвакыт төрлеләндереп торырга тырышам. Күптән түгел “Ак калфак” иҗтимагый оешмасы вәкилләре җыеның һәм Татарстанның халык артисты Гөлзада Сафиуллинаның иҗат кичәсен оештырдык. Алга таба Татарстанның атказанган артистлары Гөлшат һәм Дамир Имамиевлар, Эльмира Сөләйманова башкара торган «Балан ачы шул, балам!» җырының авторы Әлфирә Гайнуллина белән очрашулар оештырачакмын.

- Проектның киләчәге бармы?

- Анысын алдан әйтә алмыйм. Вакыт күрсәтер.

Фикерләр








Шоу-бизнес

Ришат Төхвәтуллин төркемендә җырлаган Алия Карачурина Гөлназ Асаева белән аралашудан туктаган: "Ришат үзе янында тыйнак кыз күрергә тели!"

Ришат Төхвәтуллин төркемендә җырлаучы Алия Карачуринага бик күпләр гашыйк. Бәйләм-бәйләм чәчәкләр, мәхәббәт хатлары - моның ачык мисалы булып тора. "Барысына да җавап бирәм, ләкин берсенә дә өмет бирмим. Чөнки минем йөрәгем буш түгел" - дип сөйләде Алия Интертатка. Шушы чибәркәйнең күңелен яулый алган бәхетле егет кем икән соң? Социаль челтәрләрдә Алияне Ришат белән дип язучылар күп. Бу чыннан да шулаймы?

Шоу-бизнес

Айдар Галимов гаиләдә бердәнбер артист булып калырга теләсә дә, теләге чынга ашмаган

Татарстан һәм Башкортстан Республикаларының халык җырчысы Айдар Галимов Казанда Тукай исемендәге дәүләт филармониясендә “Хыял...” программасы белән чыгыш ясады. Концерттан соң җырчы белән чынга ашкан һәм чынга ашмаган хыяллар хакында әңгәмә корып алдык. 

Шоу-бизнес

"Без Азат белән йоклап йөрмәдек..." Гөлсирин Абдуллина, хыянәт итүдә гаепләп, Абитовны ташлаган

Гөлсирин белән Азат турындагы имеш-мимешләр чын булып чыкты. Алар арасында дөрестән дә мәхәббәт булган. Мәхәббәтнең дә ниндие бит әле! Таһир-Зөһрә, Хөсрәү вә Шириннәрнеке кебек Азат белән Гөлсирин мәхәббәте. Нәкъ шундый ук чиста, саф, эчкерсез мөнәсәбәтләр турында ачылып сөйләде Гөлсирин Абдуллина. Азатның каһәр суккан хыянәте булмаса, яшьләр өйләнешкән дә булырлар иде, бәлки. Бу хакта ул "Татар-информ" хәбәрчесенә сөйләде.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла