Рафил Җәләлиев белән Эльмира Гыйльфанова татар эстрадасын “чүпли”?

13 январь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Эльвира ШАКИРОВА
Эстраданың яшь дуэты Рафил Җәләлиев белән Эльмира Гыйльфановага “үз исемнәрегезне татарча яза белмисез”, “эстраданы чүп басты”, дип тәнкыйть белдерделәр. Җырчылар үзләре нинди фикердә, бу сүзләргә үпкәләгәнме, әллә юкмы?

Аңлатып китик, әлеге фикер социаль челтәрдә җырчыларның афишасы чыккач барлыкка килгән. Янәсе артистлар анда үз исемнәрен татарча дөрес язмаган – Рафиль Җәләлиев, Эльмира Гильфанова. Җырчылар исем-фамилияләрен паспорттагыча язуын әйтте.

“Килешәм, татар телендә Рафил дигән сүздә нечкәлек билгесе язылмый. Анысы - безнең хата. Ләкин әгәр исем-фамилияләрдә хата булган икән, нигә бу турыда җәмәгатьчелек алдында әйтергә, безне наданлыкта гаепләргә? Ә бит ул исемне һәркем төрлечә яза. Минемчә, бу шәхси мәсьәлә һәм бу хактагы фикерләрне шәхси хат итеп директка язарга кирәк иде. “Дусларым, мин – тел белгече, сезнең исем-фамилияләр татарча менә шулай язылырга тиеш, бәлки төзәтерсез?” - дип язса, без дә моны дөрес итеп кабул итәр идек”, - дип сөйләде Интертатка Рафил Җәләлиев.

Эльмира хата табучыга үз фикерен аңлатып язгач, “тел белгече” артистларны икенче яктан, “эстраданы чүп басты” дип тәнкыйтьли башлаган. 

“Барлыгы 27 комментарий язды! Ә икенче көнне барысын да алып аткан. Миндә аларның кайберләре бар, үземә саклап калдырдым. “Салаватны да, Венера апагызны да беләм, тагын шундый җавап алсам, үпкәләмәгез”, “үзегезне белемсез итеп күрсәтәсез”, дип язды. Иң кызыгы шул: ул үзенең кем икәнен яшерә, яшь кыз аккаунтыннан аноним яза. Безнең иҗат белән таныш булмаган килеш безнең хакта шундый сүзләр сөйли”, - ди Эльмира.

“Тел белгече” кызыгызга тиешле тәрбия бирмәгәнсез, сөйләшергә өйрәтегез дип, Эльмираның әти-әнисенә дә шелтә белдергән. Билгеле, бу нахак сүзләр ана йөрәгенә ук булып кадалган. Ул Эльмираны чүп арасыннан тапмавын, кызының акыллы бала булып үсүен, уңышлы гына мәктәптә һәм югары уку йортында укуын, үз тырышлыгы белән зур уңышларга ирешүен аңлаткан. Хәер, бу парның иң эчкерсез, тырыш булуын дәлилләргә кирәкми дә. “Эт өрә тора, бүри йөри тора” дигәндәй, Рафил белән Эльмира көннән-көн моңлы тавышлары белән халык мәхәббәтен яулый бара... 






Фикерләр








Шоу-бизнес

"Мең дә биш йөз Салават абыебыз чыкты сәхнәгә, Айдар Галимовлар да санап бетергесез"

Режиссер, хореограф Артур Хәйруллин татар җырчыларының 99 проценты бер-берсенә охшаган, ди. Ул татар эстрадасында 1500 Салават Фәтхетдинов барлыгын санап чыгарган. Ә Альберт Нурминский татарның элекке түгел, хәзерге заман җырчыларын да белми. "Алар минем өчен үрнәк түгел", - ди.  Лилия Хәйруллина оештырган матбугат очрашуында татар эстрадасына бәя бирелде. 

Шоу-бизнес

Гөлназ Батталова, "Ямьле"дән китеп, икенче төркем оештыра: "Китүемә бер тамчы да үкенмим!"

Гөлназ Батталова "Ямьле" төркеменнән китте. Аның урынын кызлар Алинә Давыдовага тапшырды. "Мин "Ямьле" төркемендә 5 ел эшләдем. Хәтта, танылган продюсерлар да җырчы белән контрактны бары 5 елга төзиләр. Чөнки иҗат өлкәсе өчен 5 ел күп. Бигрәк тә ул хатын-кызлар белән бер төркемдә эшләгән вакытта сизелә. Яшермим, безнең дә төрле вакытлар булды" - дип сөйләде җырчы Интертатка. Сүз уңаеннан, әңгәмә барышында Гөлназ Батталова 20 ел буе бер составта эшләп килүче "Зөләйлә" төркеменә соклануын белдерде...

Шоу-бизнес

"Инде әзер дигәндә генә, тагын бәби көткәнемне белеп алдым!" Лилия Муллагалиеваның кайсы җыры аның бәбиләгәнен көтә?

Татарстанның атказанган артисты, җырлар авторы Лилия Муллагалиева үз иҗат җимешләрен киләчәк буыннарга тапшыру эшен башлап җибәрде. Ул, җырларының ноталары һәм сүзләре кергән китап чыгарып, аны тамашачыларына бүләк итә.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла