"Немкалар аш-суга оста түгел". Муса Маликов өйләнергә җыенамы?

15 Марта 2018

Автор: Юлия НАСЫЙБУЛЛИНА
Фото: Рамил Гали
Германиядә яшәгән Муса Маликов һаман да сайлануда. Татар кызларының да, немец кызларының да өстен яклары бар дип сөйләде ул "Интертат"ка.

- Муса, Казаннан китүегезгә ничә ел булды инде?

- 17 ел булды.

- Кайсы шәһәр якынрак сезнең өчен? Гомер буе ике арада йөрмәссез бит инде, кайда төпләнеп калырга җыенасыз?

- Йөри алганда йөриячәкмен әле. Франкфурт-Казан рейслары, Аллага шөкер, йөреп тора. Гомумән, сәнгать кешесе бер жирдә генә тора алмый, аңа хәрәкәт кирәк. Мин төрле илләрдә чыгышлар ясыйм, мастер класслар күрсәтәм, үзебезнең татар сәнгатен яктыртам.

- "Йөри алганда йөриячәкмен", - дисез, ләкин кешенең торган җире бер генә була, минемчә. Кызык, кайсы илдә картаячагыгызны беләсем килә.

- Беләсезме, картаю турында уйланырга миңа әле иртәрәк. Бер 30 елдан бу сорауга төгәл жавап бирә алырмын дип уйлыйм.

- Иҗат кешеләре, танылган даһи җырчылар арасында үзләрен сәнгатькә багышлап, гаиләсез, балаларсыз калучылар бихисап күп. Муса, сезнең дә яшегез бара, гаилә кору турында уйланасызмы?

- Әйе, килешәм, яшем бара. Гаилә корырга бәлки вакыты җитмәгәндер әле, барысы да Ходай кулында!

- Франкфурттагы яшьләр белән татар яшьләре арасында аерма бармы? Тормыш корган вакытта кайсы илдән кыз сайлаячаксыз?

- Татарстан белән чагыштырганда, Европадагы яшьләр бик мөстәкыйль. Тик әлегә мин гаиләле булырга планлаштырмыйм, шуңа күрә бу сорауга җавапны бирми торам.

- Яхшы, ә Франкфурт кызлары токмачлы аш пешерә беләме соң?

- Немкалар аш-суга бик оста түгел. Гомумән, монда өйдә ашау дигән әйбер бик сирәк. Татар кызларын, әлбәттә, беркем белән дә чагыштырып булмый. Алар кая гына торсалар да, уңганнар, аш-суга да осталар.

- Муса, ә сез балалар яратасызмы?

- Монысы нинди сорау инде? Беренче тапкыр бирәләр бу сорауны. Ә сез ничек уйлыйсыз?

- Бәлки шундый сораулар белән мин сездә аталык хисләре уятырмын да, сез өйләнеп куярсыз һәм гомерегез буе шушы әңгәмәгә рәхмәтле булып яшәрсез...

Муса бу сорауга җавап бирмәде, елмаеп кына куйды.

- Муса, сез бик талантлы, дәрәҗәле, танылган булуга да карамастан, шулкадәр гади. Йолдызлык чире сезне урап үткән икән, афәрин...

- Йолдызлык чире - кичә-бүген танылып киткәннәрдә генә кабына ала. Озак еллар буе үз өстендә эшләп, бик күп тир түккән кешеләр беркайчан да борын чөймәс, минемчә. Музыкант булу өченгомер буе укырга, бертуктаусыз үз өстеңдә эшләп торырга кирәк!

Белешмә: Муса Маликов 1983 елның 16 мартында Казанда җырчы Гүзәл һәм Рөстәм Маликовлар гаиләсендә туган. 7 яшендә, 1990 елда илкүләм дәрәҗәдәге "Утренняя звезда" телеконкурсында Гран-при иясе булды. Җырчы, музыкант, композитор, Германиядә яши. Supertatar музыкаль төркеме әгъзасы.

Фикерләр








Шоу-бизнес

Рифат Фәттахов Гөлсиринне магистратурада укытырга теләми: "Укуны Венера Ганиевада дәвам иттерүнең мәгьнәсен күрмим!"

Күптән түгел генә Гөлсирин Абдуллинаның югары уку йортын тәмамлап, зәңгәр диплом алуы хакында язган идек. Җырчының зәңгәр төстәге дипломы укучыларыбыз арасында шау-шу уятты. Гөлсириннең продюсеры да ризасызлык белдерде. "Шаккатмалы хәл, инде Гөлсирингә дә кызыл диплом бирмәгәч... Башкалар үпкәләмәсен, әмма Венера Ганиеваның быелгы чыгарылышы арасында профессиональ сәхнәдә иң зур уңышка ирешкәне Гөлсирин Абдуллина!" - диде Рифат әфәнде Фәттахов Интертатка.

Шоу-бизнес

Артистлар халыкны акча санауда гаепли: “Ни өчен без бушка эшләргә тиеш?”

Кайсы гына җырчының социаль челтәрдә аккаунтын ачып карама, анда артистның чит илдә ял итүен, матур йортта яшәвен, яхшы машинада йөрүен, затлы күлмәкләр киюен тасвирлаган фотоларга юлыгасың. Кайбер очракларда  җырчыларның бу фотосүрәтләре очын-очка ялгап яшәүчеләрнең ачуын чыгара - бу фотолар астында калдырылган комментарийларда ачык күренә. Күпләр артистларны байлык артыннан чабучылар дип гаепли. Татар эстрадасы артистлары мондый тискәре мөнәсәбәт турында нәрсә уйлый? “Интертат” хәбәрчесе шуны белеште.

Шоу-бизнес

Татар тамадалары туйны күпмегә алып бара: бәяләр рейтингы

Туйның үзәгендә кияү белән кәләш булса, мәҗлестә кунакларның күңелен күрүче, аларга яхшы кәеф бүләк итүче - алып баручы тора. Җәй ае ул – никах, туйлар ае. Шулай булгач, татар эстрадасы йолдызлары өчен “кызу урак өсте” башлана. Аларның күпләре бу чорда акча эшләп калырга омтыла. “Интертат” хәбәрчесе яшьләргә ярдәм йөзеннән җырчы - тамадаларының үз рейтингын туплады. Бәяләр тамадаларның үз әйткәннәреннән чыгып күрсәтелде.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла