Җәвит Шакировның улы Искәндәр "Интертат"ка дәгъва белдерә: “Вилли - Элвин Грей булса, мин - Доминик Джокер!”

14 январь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Вилли псевдонимы белән чыгыш ясаучы җырчының кыяфәте, кыланмышлары Элвин Грейга охшавы турында язган идек. Вилли-Вилданның дусты Искәндәр Шакиров "Интертат"ка дәгъвасын белдерде. Аның әйтүенчә, Вилли Элвинга бөтенләй охшамаган, ә "Интертат" сенсация артыннан куа. 
"Татарстанда Элвин Грейның тигезәге барлыкка килгән. Вилли дигән тәхәллүс белән чыгыш ясап йөрүче Вилдан Шәмсетдиновның үз-үзен тотышы да, чәче дә, тавышы да, биюе дә, киеме дә нәкъ Элвинныкы кебек", -дип язган идек.



Хөрмәтле укучылар, Сез дә бәяләгез әле. Безнең фикеребезчә, нәкъ Элвин Грейныкы кебек бит инде кыланмышлары!



Элвин Грейның "Татар-информ" түбәсендә клип төшергәндәге кыланмышлары белән чагыштырып карагыз әле.



Әмма Виллиның якын дусты, Зөлфия һәм Җәвит Шакировларның улы Искәндәр "Интертат" белән риза түгел. Искәндәрдә күрәзәчелек сәләте дә бар ахыры - ул безнең киләчәктә үзе хакында нәрсә язасыбызны да белә булып чыкты! Ул укучыларга һәм "Интертат"ка мондый мөрәҗәгать белән чыкты:

“Кадерле дуслар һәм intertat.tatar!

Беренчедән, мин үзем – татар эстрадасын үзгәртү юлындагы яңа буын артисты. Икенчедән, Вилли – минем якын дустым. Шуңа күрә “Вилли - Элвин Грейның клоны” дигән сүз турында үз фикеремне әйтергә телим.

Вилдан белән Радик – икесе ике төрле образ, ике төрле тавыш һәм бер-берсенә бөтенләй охшамаган ике музыка. Вилдан эстрадабызга хас булмаган заманча музыка иҗат итә. Вилданның җырлары Радик иҗат итә торган музыкадан күпкә кызыграк. Ышаныгыз, без Вилли белән заманча музыканы аңлыйбыз. Элвин Грейга карата бер начар сүз дә әйтергә теләмим.

Ләкин сез, intertat.tatar, журналистлар буларак, минем сүзләрне әйләндереп, алай гына да түгел, мине Доминик Джокерның клоны дип тә әйтәчәксез. Кыскасы, Вилли, брат, мин синең белән!” - дип язды Искәндәр.

Ә без, хөрмәтле укучыларыбыз, Искәндәр белән килешмибез. Безнеңчә, Искәндәр Доминик Джокерга бөтенләй охшамаган. Ул, безнеңчә, Оксимиронга охшаган кебек. Сезнеңчә, кем хаклы?









  Без Инстаграмда

Фикерләр








Шоу-бизнес

“Бәйгедә отсаң, барасың”. Чит илләрдәге Сабан туйларына татар артистларын кем сайлап җибәрә?

Җырчыларның инстаграмнарын карасаң, берсе бер чит илдә Сабан туенда җырлый, икенчесе - башка чит илдә җырлый... Шуннан сорау туа: чит илләрдәге сабан туйларына җырчыларны кем сайлап җибәрә икән? Ни өчен кайберәүләр ерак чит илләрдән кайтып керми, ә кайбер җырчыларның чит илгә командировкага бер дә барганы юк?

Шоу-бизнес

Гөлнара Тимерҗанова: "Ике баламны югалттым, кайвакыт уйланам - кемнең күзе тигән, кем каргаган?"

“Тышта буран булса, булсын, өйдә буран булмасын”, - дип җырлаган Гөлнара Тимерҗанованы хәтерлисезме? Ул 2000 елларда сәхнәдәге иң якты йолдызларның берсе иде, аның кебекләр бармак белән санарлык... Көн саен тулы заллар, тугры тамашачы алкышлары...Ләкин язмыш гел без теләгәнчә бармый. Кырык бишен тутырып килүче Гөлнара Тимерҗанова үзенең тормыш юлында ниләр күргән? “Язмышым – үзе бер имтихан”, - ди Гөлнара "Интертат”ка. 

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла