Җирән чәчле парик киеп җырлаган Лилия Хәйруллина тамашачыларның реакциясенә аптырый

17 февраль 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Юлия НАСЫЙБУЛЛИНА
Фото: Марат Салихов
Лилия Хәйруллинаның яңа образы интернет челтәрендә берәүне дә битараф калдырмады. Җирән чәчле "галәм" кызына әллә нинди комментарийлар яуды.

Лилия Хәйруллинаның үзеннән сорадык:

- Лилия, яңа образыңа карата тискәре фикерләр артык күп...

- Дөресен генә әйткәндә, соңгы арада миңа тискәре комментарийларны күп язалар. Бу "Татар җыры"ннан соң башланып китте. Аңламыйм, сәхнәгә ачык кием киеп чыккан юк. Стилистлар белән киңәшләшеп киенәм. Җыр стиле белән кигән киемем туры килә.

- Синеңчә, җырчы ничек киенергә тиеш?

- Минемчә, һәр җырчы килешле итеп киенергә тиеш. Гомумән, эстрада күпкырлы төшенчә. Ул бик күп төрле стильләрне үзенә ала. Безнең халык, кызганыч, әлегә стильләрне аерып карарга өйрәнмәгән. Барлык хатын-кыз җырчылар да сәхнәдә күлмәктән генә җырларга тиеш, дигән кагыйдә юк бит. Һәр кешенең үз стиле, үз образы булырга тиеш.

- Үз образымны булдырам, дип тамашачыны куркытмассыңмы соң?

- Куркытырмын дип уйламыйм. Минем үземнең киенү стиле бар, үземнең сәхнә образымны булдырырга тырышам. Җыр, кием һәм җырчының сәхнәдә үз-үзен тотышы - барысы да бер-берсенә тәңгәл килергә тиеш.

- Синеке туры киләме?

- Мин профессиональ музыкантлар, профессиональ хореографлар, шигырь язучылар, режиссерлар белән эшлим. Алар барысы да үз эшләрен яхшы башкаручы белемле кешеләр. Шуңа күрә үземне дөрес юлдан барам дип уйлыйм.

- Халык җырларын җырлыйсынмы?

- Әлбәттә, бик яратып башкарам. Ләкин бөтен кеше дә сәхнәгә озын күлмәк киеп чыгып, халыкчан җырлар гына җырлый алмый. Чөнки иҗатның юнәлешләре төрле. Минем күп булмаса да үз тамашачым бар һәм алар мине нәкъ шуның өчен ярата. Минем иҗатым ул кешегә яраклашу түгел, үземнең эчке дөньямны җыр һәм башка образлар аша тамашачыга җиткерү.

 

 



Галәм кызы образы - Лилиянең беренче тапкыр сәер киенү очрагы түгел. Күптән түгел ул сәер киемле җырчылар хит-парадына да эләкте. Анысын моннан укый аласыз. 

Фикерләр








Шоу-бизнес

Римма Никитина: “Сәхнәгә “постель” аша чыккан булсам, күптән җырчы булыр идем”

Римма Никитина Казанның бер төнге клубында үзенең тәүге концертын бирде. Концертта тамашачы дүрт төрле Римманы күрде. Ул романтик та, кыю да,  елак һәм шат күңелле итеп тә күрсәтте үзен. Концерт башланганчы “Татар-информ” хәбәрчесе Римма янына кереп, җырчының үзе,  аның әнисе, игезәге һәм апасы белән әңгәмә корды.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла