Фирдүс Тямаев “Поршесында” кәҗә утыртып йөри (видео)

10 июль 2017

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Кукмара районы Балыклы авылы Сабан туенда Фирдүс Тямаевка кәҗә бүләк иткәннәр.

- Бик матур, зур дәрәҗәдә оештырганнар, бүләкләре дә бик яхшы иде: диваннар, кер юу машиналарына кадәр бар иде, дип сөйләде Фирдүс “Интертат” хәбәрчесенә. Бер гаилә, берәр җиңүчегә бирерсез дип, кәҗә бүләк иткән. Ул шундый кечкенә генә, матур гына кәҗә. Минем үземне кечкенә вакытта әбиләрдә кәҗә сөзгәч, бик куркып калган идем, ул минем өчен ничектер бик усал хайван иде. Ә бу кечкенә генә кәҗә килде дә, сырпаланды, маэмай кебек. Шулай дуслашып киттек без аның белән. Башка кешегә бирәсе килми башлады, күңелемнән генә бу кәҗә минеке булса ярар иде, дип теләп, шаярып алдым. Аннары уен барышында мин аңа җырлар җырладым. Миңа гашыйк булды ул кәҗә.


“Кемгә бирәбез кәҗәне, батырга бирәбезме, башка уенчыгамы?”, дигәч, бөтен халык: “Фирдүс Тямаевка бирәбез”, - диделәр. Баш батыр миңа үзе аны бүләк итте, “Бу кәҗә синеке”, диде. Балыклы авылыннан Кукмарага 16 километр. Кәҗәне автобуска энекәш утыртмады: “Кит әле, хайван белән йөрмим, үзеңнең машинаңа утырт”, диде. Мин аны үземнең машинага утыртып, дусларым Әлфияләргә,  Кукмарага алып кайттым.

Соңыннан әнигә әйттем, “Әни, миңа кәҗә бүләк иттеләр”, дим, ышанмый, видеоларын җибәрергә туры килде. Әниләр кәҗәне Нурлаттан Кукмарага барып алдылар кәҗәне.

Кәҗәнең исеме Сара, буаз, шулай итеп, безнең өебездә гомергә беренче тапкыр кәҗә керде. Кәҗә асрыйбыз хәзер. Бөтен авыл кереп карады инде. Энекәшнең бер яшьлек улы Искәндәр атланып та карады. Минем малай да хәзер кәҗә генә дип тора. Шундый хәл бездә.

Кызык булды, инде ул, әллә еларга, әллә көләргә. Моңа кадәр Сабан туенда андый кызыклы бүләк биргәннәре юк иде әле, гел бер үк нәрсә иде инде, телевизор, кер машинасы, мендәр, кайбер җирләрдә акчалата бирәләр бит инде. Сыер, бозау бүләк иткәннәрен күргән бар, анысы да бер кызык, ләкин кәҗәгә җитми.

 

Фикерләр








Шоу-бизнес

“Иртәнге чәй” алып баручысы Илфак Хафизов: “Үзгәрергә вакыт!”

“Болгар радиосы”ның “Иртәнге чәй” тапшыруы бер айлык ялдан соң кабат эфирга чыкты. Аның алып баручылары Илфак Хафизов, Рөстәм Гайзуллин һәм Индира нинди планнар белән эшкә керешкән? Бу хакта “Иртәнге чәй” тапшыруының продюсеры һәм алып баручысы Илфак Хафизов белән сөйләштек.

Шоу-бизнес

Илсөя Бәдретдинованың җырчысы Фәнзил Шәрифуллин: "Башка җырчыларга йөрмәгән ирләр Илсөя концертына килеп утыра"

Саба районы Югары Шытсу авылы егете җырчы Илсөя Бәдретдинова төркемендә булырмын дип уйлап та карамагандыр, мөгаен.Үзенчәлекле җырчының коллективындагы егетләр дә үзенчәлекле. Фәнзил дә шундый. Ул Интертатка Илсөя Бәдретдиновада эшләүнең ни икәнен сөйләде.

Шоу-бизнес

Кем гаепле: акчасын алып, җырчыга ошамаган клип төшергән "Барс Медиа"мы, әллә камера каршында бии белмәгән Айдар Рәкыйповмы?

2017 елның 15 сентябрендә "Барс Медиа" белән килешү төзедек. Акчасын вакытында түләдем. Ике көн үткәч, эшне башлап җибәрдек. Килешү буенча алар миңа клипны 30 көн эчендә, ягъни 1 айдан соң әзерләп тапшырырга тиешләр иде. Бер ай көттем, ике ай, өч... әле дә көтәм. Алар миннән тизрәк котылу өчен өч тиенлек клип җибәрәләр. Алар җибәргән клипның сыйфаты миңа ошамый. Әзер клип һаман юк. Документаль рәвештә клипны кайчан кулыма тапшырырлар, билгесез, дип сөйләде яшь җырчы Айдар Рәкыйпов Интертатка.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла