Фирдүс Тямаев икенче тапкыр әти булды: “Әзер түгел идем, шок булды”

30 апрель 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Чулпан ШАКИРОВА
Фото: Фирдүс Тямаевның инстаграмыннан
Бүген 30 апрель көнне Фирдүс Тямаев һәм Резидә Әхмәтвәлиева икенче тапкыр әти-әни булды.

Тямаевлар гаиләсендә сөенечле вакыйга. Апрельнең соңгы көне гаиләне тулыландырып, яңа тормыш бүләк итте. Бүген Резидә уллары Раянга иптәшкә энекәш бүләк итте.

“Татар-информ” хәбәрчесе Фирдүс Тямаевның шатлыгын беренчеләрдән булып уртаклашты.

“Якынча туу датасын баштарак 26 апрельгә билгеләгәннәр иде. Аннан соң 2 майга күчерделәр. “Әле вакыт бар икән” дип, Нурлаттагы өебезнең залын сүтеп атып, ремонт ясап яткан мәл иде. Дизайнер белән видеозвонок аркылы сөйләшеп, обой һәм люстра сайлап йөреш иде”, – ди Фирдүс.

Тямаев хатыны белән иртәнге сөйләшүнең һәр мизгелен хәтерли.

Кибеттә йөргәндә Резеда шалтырата:

-         Матурым, привет! Нигә шалтыратмыйсың? – ди. Шундый әкрен генә сөйли.

-         Привет, мин әйтәм. Син ял итсен, йокласын дип борчырга теләмәдем, дим.

-         Мин таптым, - ди.

-         Ничек инде? – дидем дә, коелып төштем.

Берәү булса, янында булмаганы өчен сүгәр, битәрләр, истерикага бирелер иде. Мин шок хәлендә калдым. Ни еларга, ни көләргә юк. Иртәнге 5тә бала тудыру йортына барган да, унынчы яртыда тапкан. Монысы да малай! 3800ме, 3900 грамм диме?! Шокта әле мин. Көтелмәгән хәбәр булды. “Мин роддомда” дип, смс җибәрсә дә, мораль яктан әзерләнгән булыр идем. Раянны тапканда да мин Казанда түгел идем. Шундый батыр инде ул минем хатын”, – ди бәхетле Фирдүс.

Фирдүс Тямаевның бүген Чаллыда дүртенче көн концерты билгеләнгән.

-         Ничек куеп чыгарга инде аны? – ди бәхетеннән исергән артист.

Фирдүс балага нинди исем кушасын өздереп әйтмәде. “Исем кайгысымени әле монда?” ди ул, һаман аңына килә алмыйча. Аллаһы Тәгаләнең 99 күркәм исеменең берсен кушабыз инде. Күздә тоткан бер-ике исем бар, төгәл тукталмадык әле”, – диде ул.

“Татар-информ” хәбәрчесенә билгеле булганча, Фирдүс беренче улының бәби ашын зурлап уздырган иде. Бу юлы да аннан ким үткәрмәскә җыена бугай.

-         Мин инде аракы, шәраблар куймыйм өстәлгә. Бала тугач, гакыйка корбаны чалырга кирәк. Раянга да чалдырдык без аны. Бу юлы икенче улыма гакыйка корбаны, Раянга тагын бер корбан чалдырырга уйлап торам”, – диде Фирдүс Тямаев.


  Без Инстаграмда

Фикерләр








Шоу-бизнес

"Мәшәкать бүләк итәм", "Романтик аш белән сыйлыйм", "Ураза тотам". Шоу-бизнес вәкилләре гашыйклар көнендә сөйгәннәрен ничек куандыра?

Бүген "Изге Валентин көне" - гашыйклар көне билгеләп үтелә. Кемдер өчен ул бәйрәм, кемдер өчен сөйгәннәрен тагын бер тапкыр искә ала торган көн, ә кайберәүләр аны бөтенләй кире кага.“Интертат” шоу-бизнес өлкәсендәгеләрнең фикерләрен туплады.

Шоу-бизнес

Тәслимә Низами: “Мин бит бер генә дә нота белмим, мин – тумыштан талантлы кеше”

Татарстанның атказанган артисты, шагыйрә, күренекле композитор, журналист Тәслимә Низами Татарстан Милли китапханәсенең Зур уку залында үзенең “Җырым белән керәм күңелеңә” дип исемләнгән иҗат кичәсен үткәрде. Анда ул үзен, беренче чиратта, шагыйрә буларак тәкъдим итте һәм, әлбәттә, тамашачы яратып өлгергән җырларын да башкарды. “Татар-информ” хәбәрчесенә ул хәзер нинди темаларга иҗат иткәнен, Иван белән булган мөнәсәбәтләре турында сөйләде һәм укучыларга төпле киңәшләрен бирде.

Шоу-бизнес

Айваз Садыйров радио тамашачыларын "Макдоналдс" системасы буенча сыйлый: "Продукт күп булмагач, тамашачыга да җиңел!"

Танылу ирекне чиклиме яисә, киресенчә, ярдәм итәме? Әлеге сорау белән мин “Татар радиосы”ның баш мөхәррире Айваз Садыйровка мөрәҗәгать иттем. Танылмаган шәхес түгел, шулай бит? Тугызынчы сыйныфта укыганда ул беренче интернет-радиостанция ача. Бүгенге көнне дә татар радиолары арасында беренчеләрдән булган радионы җитәкли. 

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла