Базарбай Бикчәнтәев әти булды

6 март 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Юлия НАСЫЙБУЛЛИНА
Фото: Рамил Гали
"Мин бабамнарның кендек каны тамган туфракка барыбер кире кайтачакмын", - дип кечкенәдән Кытайдан Татарстанга килергә ашкынып яшәгән Базарбайның иң олы хыялы тормышка ашты. Беренчедән, ул хәзер Казанда яши, икенчедән аның баласы Татарстанда дөньяга аваз салды... Бу хакта ул "Татар-информ" хәбәрчесенә сөйләде.

- Базарбай, котлыйбыз үзеңне. Шатлыгың белән уртаклаш инде...

- Аллага шөкер, кызыбыз исән-сау булып, татар илендә дөньяга килде. Бу минем өчен икеләтә бәхет. Нәселебезнең алтынчы буыны кабат туган туфрагыбызда яралды. Шатлыгымны аңлатырлык сүзләр дә табалмыйм.

- Сезнең бабаларыгыз Кытайга кайчан күченеп киткән булганнар соң?

- 1831 елда алар Татарстаннан Кытайга китеп урнашалар. 5 буын Кытай җирендә туып тәрбияләнсә дә, без телебезне, динебезне, татар халкының гореф-гадәтләрен, токмачлы ашларына кадәр югалтмый сакладык. Үзебезнең татар булуыбыз белән горурланып, Татарстанга ашкынып яшәдек.

- Ничәнче елны Казанга килдең?

- 2011 елның 13 ноябрендә килдем. Килдем дә Татарстанга баш-аягым белән гашыйк булдым. Монда гына үземне чын мәгънәсендә туган илемдә кебек хис итәм. Шушыннан беркая да китәсем килми. Нәселемнең татар җирендә дәвам ителүен телим.


- Тормыш иптәшең кем синең?

- Хатыным Балгынай исемле, Кытай татары. Кытайда табиблыкка укыды. Казанга килгәч, һөнәре буенча түләүле клиникада эшли башлады. Татар балаларына кытай теле дә өйрәтә әле.

- Кызыгызга исем сайладыгызмы инде?

- Әйе, сабыебызга Хәзинә дип исем бирәчәкбез, Аллаһ кушса!


Базарбай Бикчәнтәев "Интертат" электрон газетасына үзе, иҗаты хакында сөйләгән иде.

Фикерләр








Шоу-бизнес

Рифат Фәттахов: "Ваһапов фестивален сызып кына ташлап булмый, көтмәгез дә!"

"Бер төн эчендә дистәләгән, йөзләгән шалтырату булды, килгән хатларның санын төгәл генә әйтә дә алмыйм. Әлеге алым киң җәмәгатьчелектә шундый шау-шу уятыр дип уйламаган идек. Рәшит Ваһапов фонды, фестивале, шәхсән Рифат Фаттахов үзе, Рәшит Ваһаповны хөрмәт итми, дип әйтсәләр, мин бу сүзгә берничек тә җавап бирә алмыйм", - диде Рифат Фәттахов.  Танылган продюсер "Интертат"ка ни өчен Рәшит Ваһаповның йөзен сызып ташлаган баннер урнаштыруы турында аңлатма бирде.

Шоу-бизнес

Мирхәт Гайсин ике республика җырчыларын чагыштыра: "Башкортстан җырчылары татар җырчылары кебек берсен-берсе чәйнәшеп йөрми"

Татарлар җыр сәнгатендә камилләшеп киләләр, Башкортстан җырчыларына караганда аларның дәрәҗәсе югарырак. Ләкин башкортлар тәртиплерәк. Татар җырчылары кебек берсен-берсе чәйнәшеп, ямьсез сүзләр әйтешеп йөрми, ди Мирхәт Гайсин.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла