Алсу Фазлыева бәясен арттырса да, хыялындагы отельдә ял итәрлек акча эшли алмаган әле

21 январь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Җырчы Алсу Фазлыеваның Дубайда тәүлеге 24 500 сумлык отельдә ял итүенең үзенчәлекләре ачыкланды.
Кичә "Интертат" электрон газетасында Җырчы Алсу Фазлыева Дубайда тәүлеге 24 500 сум торган Rixos Premium отелендә ял итә икән дигән хәбәр чыкты. Бу хәбәрнең таралуына Алсу үзе сәбәпче булды, чөнки Инстаграмына урнаштырган Дубай фотосында ул үзен Rixos отелендә дип билгеләгән иде. 




Rixos отельләр челтәре дөньядагы иң кыйммәтле кунакханәләрдән санала. Бу отельләрнең статусы да, бәясе дә югары, шуңа анда ял итүне дөньякүләм танылган артистлар, билгеле сәясәтчеләр, спортчылар сайлый. Биредә патшаларча ял тәкъдим ителә. 

Алсу бик кыйммәтле отельдә ял итә икән дигән хәбәр социаль челтәрдә укучыларыбызны нык дулкынландырды. Берәүләр, журналистларга ишарәләп, "Сезнең Алсуда һәм аның акчасында ни эшегез бар?" дип язды, икенчеләр исә Алсу һәм Азат Фазлыевларның аена күпме акча эшләүләрен санарга кереште. "Яңа ел корпоративларында эшләүнең әҗере бу", - дигән фикергә килде укучылар. Чыннан да, яңа ел алды - артистлар өчен урак өсте, аларның бу көннәрдә күп акча эшләве һәркемгә мәгълүм. 

Хәбәр чыкканнан соң, "Интертат"ка үз дәгъвасын Алсу Фазлыева да белдерде. "Хәбәрдә безнең тамадалык бәясе 35 000 дип язылган, ул саннар искерде, 40 меңнән башлана дип язарга кирәк. Без аппаратураны яңарттык, тәҗрибәбез дә, осталыгыбыз да артты, һаман бер бәягә эшләп йөри алмыйбыз бит инде", - дип язып җибәрде ул безгә.

Ә отель бәясенә килгәндә... Баксаң, Алсу Дубайда бөтенләй башка отельдә ял итә икән! Rixos Premium отеле каршында ул фотога гына төшкән.

- Rixos отелендә ял итү - минем күптәнге хыялым. Ул күпләрнең хыялы, дияр идем. Ул бит бөтен дөньяга билгеле булган затлы бренд. Дубайда яр буеннан үтеп барганда, шушы отельне күрдем бит! Һәм шуның каршына басып, фотога төштем. Фотоны Инстаграмдагы битемә куйдым, - дип аңлатты Алсу Фазлыева.



Дубайда Алсу дус кызы белән ял итә. Тукталган кунакханәсе Rixos ук булмаса да, яхшы отель икән. Гарәп Әмирлекләрендә начар отельләр гомумән юк, монда начар әйберне тәкъдим дә итмиләр, дип саный җырчы. 

Алсуны үзеннән аерып, ял итәргә ире Азат җибәргән. "Без соңгы арада күп эшләдек. Бик нык арыдың, мин сиңа бүләк ясыйм, ял итеп кайт, дип җибәрде", - дип аңлатты Алсу.

"Интертат" укучыларына сәлам булсын дип, Алсу Дубайда төшкән фотоларын юллады. Хәзер анда 20 градус тирәсе җылы.









Исегезгә төшерәбез, җырчы пар Алсу һәм Азат Фазлыевларга акчалы гамәлләрен һәрдаим аңлатып торырга туры килә. Күптән түгел Азат биш меңлек купюра белән борын сөртеп дан казанды. 



Дөрес, соңыннан Азат Фазлыев борынын ялган купюра белән сөртүен әйтте. "Ул кадәр дәрәҗәдә баемадык әле. “Нормальный” кешеләр кебек, без дә кредитта яшибез. Бездән көнләшеп яшәгән кешеләргә эләктереп алырга яхшы булды инде бу”, - дип сөйләгән иде Азат Фазлыев Интертатка.



Фикерләр








Шоу-бизнес

Зәринә Хәсәншина кияүгә чыгуы-чыкмавы турында әйтте: “Беренче адымны ир-ат ясарга тиеш бит инде!”

“Ак чәчәкләр” фильмындагы җырны башкарган Зәринә Хәсәншинага күп егетләр мөкиббән. Шуңа да Зәринәнең шәхси тормышы турында беләсе килү теләге көчле. Шушы көннәрдә “Татар-информ” хәбәрчесе Зәринәне бер хәйрия концертында очратып, кияүгә чыгуы-чыкмавы турында сорашты. 

Шоу-бизнес

Фирзәр Мортазин: “Фонограммага җырлаучыларның башына тавык йомыркасы ыргытасым килә”

Камал театрында Салават Фәтхетдиновның 30нчы юбилей сезоны концертлары башланып китте. “Татар-информ” хәбәрчесе аның концерты вакытында сәхнә артында Татарстанның атказанган артисты, популяр композитор Фирзәр Мортазин белән бүгенге эстрада, дуслык, гаиләсе турында әңгәмә корды.

Шоу-бизнес

Илсөя Бәдретдинованың җырчысы Фәнзил Шәрифуллин: "Башка җырчыларга йөрмәгән ирләр Илсөя концертына килеп утыра"

Саба районы Югары Шытсу авылы егете җырчы Илсөя Бәдретдинова төркемендә булырмын дип уйлап та карамагандыр, мөгаен.Үзенчәлекле җырчының коллективындагы егетләр дә үзенчәлекле. Фәнзил дә шундый. Ул Интертатка Илсөя Бәдретдиновада эшләүнең ни икәнен сөйләде.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла