2017 елда "Интертат" укучыларын иң кызыксындырган җырчылар рейтингы

30 Декабря 2017

Укылган: 1545 тапкыр

Автор: Эльвира ШАКИРОВА
Ел ахыры – нәтиҗәләр ясый торган чор. Без дә ел дәвамында Интертатта чыккан шоу-бизнес яңалыклары арасында иң күп укылган, популяр язмаларны ачыкладык. 

1. Илсөя Бәдретдинова белән Илфак Шиһапов мөнәсәбәтләре һәрвакыт халыкка кызык булды. Хәтта Илфак арабыздан киткәч тә, Илсөянең мәрхүм турындагы уй-фикерләре белән күпләр кызыксынды. Шулай итеп, Илсөя Бәдретдинованың Илфак Шиһапов турында биргән әңгәмәсе - беренче урында.


2. Халкыбызның яраткан артисты Хәния Фәрхинең китүен барыбыз да авыр кичердек. Бу югалтуга әле дә ышанып булмый. Бөтен татар һәм башкорт халкын борчыган тагын бер сорау – Хәния Фәрхинең җырларын кем җырлар, кызы Алия сәхнәгә чыгармы? Хәния Фәрхигә багышланган “Истә калсын” концертында Алия Гәрәеваның да катнашуы турындагы мәкалә - икенче урында. Концертта Алия тамашчыга: «Авыр минутларда таяныч булганыгыз өчен рәхмәт!” – дигән иде.


3. Гөлназ Асаеваны эстраданың иң гаугалы җырчысы дияргә була, чөнки соңгы арада Гөлназ тирәсендә шактый низаглар булды. Шуларның берсе – төнге клубта булган хәл. “Гөлназ Асаева Уфадагы җәнҗал турында: “Мин – кызу канлы кеше” исемле язма рейтингның өченче урынын алды.


4. Дилә Нигъмәтуллинаның шәхси тормышындагы яңалыклар да халыкта кызыксыну уяткан. Билгеле булганча, Дилә газиз әнисен югалтты. Бары ике ел узгач кына, җырчы бу хакта Интертатка сөйләргә булды. “Дилә Нигъмәтуллина: “Бармаган җир, очрашмаган кеше, өшкермәгән әби калмады” мәкаләсе - дүртенче урында.


5. Тамашачы Гөлсирин Абдуллинаның сәхнәдән китүенә борчыла булса кирәк, “Гөлсирин Адбуллина бер елга сәхнәдән китә?” дигән язма да популяр булды. Ул мәкаләдә Гөлсириннең быел концерт куймавын, ә иҗатташ дусларының концертларында гына чыгыш ясавын язган идек.


6. Ни гаҗәп, популяр җырчы Элвин Грейга багышланган язма рейтингның алтынчы урынында гына. Радикның кем белән йөрүе, кемгә өйләнәчәге халыкка бик мөһим. Гөлназ Асаева белән мөнәсәбәтләре турында да күп язылды. Ә икесенең дә система астында ятуы турындагы язма аеруча күп укылды.


7. Данир Сабировның кызы Мәрьям әтисенә караганда да популяррак, ахрысы. Артистның кызы кечкенәдән нәфис гимнастика белән шөгыльләнә. Мәрьямнең бу сәләтен күреп, аны Максим Галкинның “Лучше всех!” тапшыруына чакырдылар. Казан кызының Мәскәүне шаккатырып кайтуы турындагы язма җиденче урынга лаек булды.


8. Ләйсән Таишеваның бәби алып кайтуы да Интертат укучылары өчен шатлыклы хәбәр булган. Билгеле булганча, 7 декабрьдә Ләйсән әни булды. Баланың авырлыгы – 3540 грамм, буе – 54 см иде. Ләйсән белән Александр улларына Ролан дип исем кушты.


9. “Рафил Җәләлиев белән Эльмира Гыйлфанованың гаиләсе ишәйгән?!” исемле мәкалә рейтингның тугызынчы урынында. Моны укыгач, яшь гаилә бәби алып кайткан дип уйлаучылар күп булды. Ләкин сүз мәче турында иде...


10. Өч малай үстерүче Илназ Баһ белән Гүзәл Идрисовадан да кыз көтәләр. Аларның дүртенчегә кыз алып кайтуы турындагы язма шактый күп укылды. Чынлыкта, Баһлар гаиләсе бәби көтми һәм якын арада дүртенче бала алып кайтуны да планлаштырмый. Бу хакта артистлар быелгы театральләштерелгән тамашаларында хыялланды.


Иң күп укылган язмалар рәтендә шулай ук Салават Фәтхетдинов белән Элвин Грей арасындагы низаг һәм Чулпан Йосыпова әңгәмәсе дә бар. Чулпан Интертатка иреннән аерылуы турында сөйләгән иде.

Фикерләр








Шоу-бизнес

Ришат Төхвәтуллин төркемендә җырлаган Алия Карачурина Гөлназ Асаева белән аралашудан туктаган: "Ришат үзе янында тыйнак кыз күрергә тели!"

Ришат Төхвәтуллин төркемендә җырлаучы Алия Карачуринага бик күпләр гашыйк. Бәйләм-бәйләм чәчәкләр, мәхәббәт хатлары - моның ачык мисалы булып тора. "Барысына да җавап бирәм, ләкин берсенә дә өмет бирмим. Чөнки минем йөрәгем буш түгел" - дип сөйләде Алия Интертатка. Шушы чибәркәйнең күңелен яулый алган бәхетле егет кем икән соң? Социаль челтәрләрдә Алияне Ришат белән дип язучылар күп. Бу чыннан да шулаймы?

Шоу-бизнес

Айдар Галимов гаиләдә бердәнбер артист булып калырга теләсә дә, теләге чынга ашмаган

Татарстан һәм Башкортстан Республикаларының халык җырчысы Айдар Галимов Казанда Тукай исемендәге дәүләт филармониясендә “Хыял...” программасы белән чыгыш ясады. Концерттан соң җырчы белән чынга ашкан һәм чынга ашмаган хыяллар хакында әңгәмә корып алдык. 

Шоу-бизнес

"Без Азат белән йоклап йөрмәдек..." Гөлсирин Абдуллина, хыянәт итүдә гаепләп, Абитовны ташлаган

Гөлсирин белән Азат турындагы имеш-мимешләр чын булып чыкты. Алар арасында дөрестән дә мәхәббәт булган. Мәхәббәтнең дә ниндие бит әле! Таһир-Зөһрә, Хөсрәү вә Шириннәрнеке кебек Азат белән Гөлсирин мәхәббәте. Нәкъ шундый ук чиста, саф, эчкерсез мөнәсәбәтләр турында ачылып сөйләде Гөлсирин Абдуллина. Азатның каһәр суккан хыянәте булмаса, яшьләр өйләнешкән дә булырлар иде, бәлки. Бу хакта ул "Татар-информ" хәбәрчесенә сөйләде.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла