"Җырлыйк әле"не алып баручы Алинә Кәримова бәби тапты: Ай-яй, бер дә җиңел булмады, үлемем шушындадыр дигән идем

29 апрель 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Юлия НАСЫЙБУЛЛИНА
Алинә һәмм Азат Кәримовлар гаиләсендә зур вакыйга. Бүген аларның икенче кызлары Гөлмәрьям дөньяга килде. Баланың авырлыгы 2970 гр., буе 51 см. Алинә үзенең инстаграм битендә бала тудыру залыннан кызыклы видео да урнаштырган.


- Алинә, каты авырттыңмы?

- Икенчесен табу җиңелрәк була дигәннәр иде, килешмим. Ай-яй, бер дә җиңел булмады! Үлемем шушындадыр дигән идем. Шөкер, исән-сау котылдым.

- Икенче кызыгызга исемне кем сайлады?

- Әтисе сайлады. Икенче бала туса, исемне син сайларсың, дип әйткән сүзем бар иде. Аннары дус кызымның бишенче сыйныфта укый торган кызы "бәбиегезгә Мәрьям дип кушыгыз" дигәч, Азатка бу исем бик ошады һәм күңеленә кереп калды. Ике дә уйламыйча, кызыбызга шушы исемне сайладык. 

 -Ике бала белән генә тукталып калырга җыенмыйсыздыр? Синеңчә идеаль гаиләдә ничә бала булырга тиеш?

- Аллаһ ничәне язган инде (көлә). Минемчә, һәр гаилә үзенә ничә бала кирәген үзе белә, мөмкинлекләренә карап дисәм, ялгыш булмас. Табу бер хәл, әле бит аларны аякка бастырасы, белем һәм тиешле тәрбия бирәсе, башлы-күзле итеп олы тормышка озатасы бар. Боларның барысын да хәзердән үк уйлый башлыйсы икән ул. Иң мөһиме - сәламәтлектән аермасын Ходай!

- Бала тугач, "Җырлыйк әле"не алып барудан туктарга җыенмыйсызмы?

- Йөкле вакытта да туктамадык, хәзер дә туктарга җыенмыйбыз. Эшебезне дәвам иттерәчәкбез. Аллаһ бирсә, 20се көнне киләсе тапшыруны төшерәбез, кечкенәбезне үзебез белән алырга планлаштырып торабыз. 

- Сезнең тырышлыкка сокланмый мөмкин түгел. Әле күптән түгел генә үзегезнең студияне дә ачып җибәрдегез. Барысына да ничек өлгерәсез?

- Әйе, Аллага тапшырып, тавыш яздыру студиясен эшләтеп җибәрдек. 

Үз чиратыбызда, Кәримовлар гаиләсен чын күңелдән кызлары туу белән тәбрик итәбез. Сабыйларын тигезлектә, исән-сау булып, матур тормышта тәрбияләп үстерүләрен теләп калабыз. Балаларыгыз сезгә куаныч кына китерсен!

Фикерләр








Шоу-бизнес

Зәринә Хәсәншина кияүгә чыгуы-чыкмавы турында әйтте: “Беренче адымны ир-ат ясарга тиеш бит инде!”

“Ак чәчәкләр” фильмындагы җырны башкарган Зәринә Хәсәншинага күп егетләр мөкиббән. Шуңа да Зәринәнең шәхси тормышы турында беләсе килү теләге көчле. Шушы көннәрдә “Татар-информ” хәбәрчесе Зәринәне бер хәйрия концертында очратып, кияүгә чыгуы-чыкмавы турында сорашты. 

Шоу-бизнес

Фирзәр Мортазин: “Фонограммага җырлаучыларның башына тавык йомыркасы ыргытасым килә”

Камал театрында Салават Фәтхетдиновның 30нчы юбилей сезоны концертлары башланып китте. “Татар-информ” хәбәрчесе аның концерты вакытында сәхнә артында Татарстанның атказанган артисты, популяр композитор Фирзәр Мортазин белән бүгенге эстрада, дуслык, гаиләсе турында әңгәмә корды.

Шоу-бизнес

Илсөя Бәдретдинованың җырчысы Фәнзил Шәрифуллин: "Башка җырчыларга йөрмәгән ирләр Илсөя концертына килеп утыра"

Саба районы Югары Шытсу авылы егете җырчы Илсөя Бәдретдинова төркемендә булырмын дип уйлап та карамагандыр, мөгаен.Үзенчәлекле җырчының коллективындагы егетләр дә үзенчәлекле. Фәнзил дә шундый. Ул Интертатка Илсөя Бәдретдиновада эшләүнең ни икәнен сөйләде.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла