"Бу мәсьәләләрне безнең өчен беркем чишмәячәк". Татарстан Президенты туган телләрне укыту юнәлешендә бурычларны билгеләде

23 август 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Гөлнар ГАРИФУЛЛИНА
Фото: tatarstan.ru
Бүген Татарстан Президенты Рөстәм Миңнеханов туган телләрне укыту мәсьәләсендә мәгариф системасы алдында бурычларны билгеләде. Бу хакта ул Кукмара муниципаль районында Татарстан мәгариф һәм фән хезмәткәрләренең республикакүләм август киңәшмәсенең пленар утырышында ясаган чыгышында сөйләде.

Рөстәм Миңнеханов узган уку елында тел мәсьәләләренең аеруча актуальләшкәнен искәртте. "Милли сәясәтне гамәлгә ашыру стратегик бурыч булып кала. Тел буенча авыр чорны уздык. Проблемаларның озак вакыт хәл ителмәве безнең дә кимчелек. Ул мәсьәләләрне безнең өчен беркем чишмәячәк", - диде Татарстан Президенты. 

"Кайбер мәктәпләрдә гражданнарның туган телләрне өйрәнүгә кагылышлы конституцион хокуклары игътибарга алынмады. Сайланган укыту планнары ихтыяҗларны канәгатьләндерә алмады. Белем бирү учреждениеләрен гамәлгә куючылар буларак, муниципаль берәмлекләр дә бу мөһим мәсьәләгә тиешле игътибар күрсәтмәде. Хәзер төп бурычлар - дәүләт һәм туган телләрне укыту методикасын камилләштерү. Телләрне укыту буенча цифрлы укыту-методик комплекс булдыруга ихтыяҗ туды", - дип аңлатты Президент.

Рөстәм Миңнеханов мәгариф өлкәсе алдында бурычлар билгеләде: "Кадрлар потенциалы үсешен тәэмин итү, үсеп килүче буында төрле милләт һәм конфессия вәкилләренә, телгә, мәдәният, традицияләргә, гореф-гадәтләргә ихтирамлы караш тәрбияләү мөһим". Президент июльдә "Мәгариф турындагы" федераль законга туган телләрне укытуга кагылышлы үзгәрешләр кертелгәнен дә искәртте. 

"Алар мәгариф системасы алдында бурычлар куя. Уку программаларында туган телләрне өйрәнү мәҗбүрилеген, белем алучыларның контингентын исәпкә алу мөһим. Әти-әниләр белән эшләү кирәк. Бу юнәлеш һәр мәктәптән әти-әниләр белән игътибарлы һәм җентекле эш таләп итә. Нәкъ менә алар балаларга өйрәнү өчен тел сайлый", - диде Миңнеханов.

"Тел - аралашу чарасы гына түгел. Ул һәр милләтнең тарихы, аның мәдәнияте, дөньяга карашы да. Шуңа күрә туган телне тиешенчә укыту, яшь буынны милли гореф-гадәтләрне хөрмәтләргә өйрәтү, аларда туган тел белән горурлану хисе тәрбияләү бүгенге мәктәп алдында торган бурычның берсе". (Р.Миңнеханов)




  Без Инстаграмда

Фикерләр








Сәясәт

"Дәүләт Советында татар телен укыту мәсьәләләрен яклаучы көчле төркем барлыкка килергә мөмкин"

КФУның политология кафедрасы доценты, сәясәт фәннәре кандидаты Эльмира Авзалова "Татар-информ" агентлыгына интервьюсында "Бердәм Россия" партиясенең праймеризы нәтиҗәләре нинди үзгәрешләргә китерергә мөмкин икәнлеген фаразлады.

Сәясәт

"Без стратегияне хисап өчен түгел, үзебез өчен язабыз!" Васил Шәйхразиев һәр татар кешесен милли үсеш стратегиясен төзүдә актив булырга өнди

2018 елда Татарстан Президенты Рөстәм Миңнеханов үз юлламасында Бөтендөнья татар конгрессына Татар халкының үсеш стратегиясен кабул итү максатын куйды. Конгресс, үз чиратында, әлеге эшкә Татарстан Фәннәр академиясенең Тарих институтын, Тел, әдәбият һәм сәнгать институтын һәм Бөтендөнья татар яшьләре форумын җәлеп итте. Әлеге эшче төркемнәр Татар халкының үсеш стратегиясенә тәкъдимнәрен җиткерде һәм аларны бер эскиз итеп туплады. Шушы көннәрдә эскиз татар җәмәгатьчелегенә тәкъдим ителде, хәзер аның буенча фикер алышулар бара.

Сәясәт

Татар халкының үсеш стратегиясе нинди булырга тиеш - Васил Шәйхразиев күзаллавы

Быел гыйнварда Татарстан районнарында, ә февральдән Россия төбәкләрендә Татар халкының үсеш стратегиясе буенча халык белән фикерләшү башланачак. Татарстан Республикасының премьер-министры урынбасары, Милли Шура рәисе әлеге стратегиянең нинди булырга тиешлеге турында фикерләре белән уртаклаша.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла