29 сентябрьгә һава торышы һәм ай календаре

29 сентябрьгә һава торышы һәм ай календаре
29 сентябрьдә Татарстанда аязучан болытлы һава торышы булачак. Явым-төшем көтелми. Җил төньяк-көнбатыштан, көньяк-көнбатышка юнәлешен үзгәртүчән, талгын. Төнлә һава температурасы +2..-3 градус. Көндез - +5..+10 градус.


29 сентябрь.
Тулы ай. 

Яшелчә бакчасы

Яшелчәләр тозлау өчен уңышсыз көн. Әмма теплицада һәм парникта калган яшелчәләрне җыеп алырга кирәк. Бакчадагы чүпләрне җыеп түгәргә мөмкин. Туфракны казып калдыру, черемә кертү зарур.

Чәчәк түтәле
Күпьеллык чәчәкләрне агач чүбе, торф һ.б. белән капларга.

Җиләк-җимеш бакчасы
Бу көнне агач һәм куак үсентеләрен утыртырга, күчереп утыртырга, корган ботакларын кисәргә киңәш ителми.