28 гыйнварга һава торышы һәм ай календаре

28 гыйнварга һава торышы һәм ай календаре.

28 гыйнварда Татарстанда аязучан болытлы һава торышы булачак. Төнлә кар явачак. Көндез явым-төшемнәрсез. Төньяк-көнбатыштан, көньяк-көнчыгыштан уртача тизлектә җил исәчәк. Көчле салкыннар көтелә. Төнлә һәм иртән һава температурасы -15..-20˚, аязган вакытта -21..-26˚, көндез -9..-14˚, көнчыгыш районнарда -19˚ градус. Юлларда бозлавык.

28 гыйнвар.

Үсеш алучы ай. Ай балык йолдызлыгында.

Яшелчә бакчасы

Үсемлекләрне кисәргә, яфракларын йолкырга ярамый.

Рассадаларга минераль ашламалар сибәргә була. Ремонтант бакча җиләге орлыкларын чәчәргә мөмкин. Биек булып үсә торган борыч, баклажан, яфраклы һәм сабаклы сельдерей орлыкларын бүрттерергә була.

Чәчәк түтәле

Үсемлекләрне кисәргә, яфракларын йолкырга ярамый.

Кышын чәчәк ата торган бүлмә гөлләренә минераль ашламалар сибәргә кирәк. Орлыктан үсә торган бүлмә гөлләрен утыртырга ярый.

Җиләк-җимеш бакчасы

Үсемлекләрне кисәргә, яфракларын йолкырга ярамый.