Интертаттан 24 апрельгә һава торышы һәм ай календаре

Интертаттан 24 апрельгә һава торышы һәм ай календаре.
24 апрель. Татарстанда аязучан болытлы һава. Республиканың күпчелек районнарында кар һәм юеш кар явачак. Төньяк-көнбатыштан уртача тизлектә җил. Төнлә һава температурасы   -1..-6˚, көндез +1..+6˚ градус. Юлларда урыны белән бозлавык. 


24 апрель.

Үсеш алучы ай. Ай кыз йолдызлыгында.

Яшелчә бакчасы
Бу вакытта бернәрсә дә утыртмау яхшы. Яшел, хуш исле һәм дару үләннәре чәчү өчен уңай вакыт. Томат, борыч, баклажан, физалис рассадаларын зур савытларга күчереп утыртырга була. 

Чәчәк түтәле
Бу вакытта бернәрсә дә утыртмау яхшы. Ләкин берьеллык һәм күпьеллык чәчәкләрне, чәчәк рассадаларын утыртырга мөмкин. Дәлия чәчәкләрен тамыр җибәрү һәм сабакча алу өчен утырту. Декоратив куакларны һәм агачларны корткычларга һәм авыруларга каршы бөркү. Бүлмә гөлләрен күчереп утырту. 

Җиләк-җимеш бакчасы
Бу вакытта бернәрсә дә утырту киңәш ителми. Җимеш агачларын ялгарга була. Агачларны һәм куакларны авыруларга, корткычларга каршы бөркү.