17 сентябрьгә һава торышы һәм ай календаре

17 сентябрьгә һава торышы һәм ай календаре
17 сентябрьдә Татарстанда аязучан болытлы һава торышы булачак. Урыны белән бераз яңгыр явачак. Көньяк-көнбатыштан талгын җил, урыны белән секундына 15-18 метрга кадәр көчәергә мөмкин. Төнлә һава температурасы +5..+10˚, көндез - +13..+18 градус.



17 сентябрь.
Кимүче ай. Ай Кучкар йолдызлыгында. 

Яшелчә бакчасы

Сарымсак утыртып калдыру өчен кулай вакыт. Кишер, чөгендер кебек тамыразыкларны алырга мөмкин.

Чәчәк түтәле
Гладиолус һәм дәлия бүлбеләрен казып алырга һәм коры торф яки пычкы чүбе сибелгән әрҗәләргә сакларга куярга кирәк. Лалә, нарцис, гиацинт чәчәкләре суганчаларын һәм декоратив суган утырту өчен уңайлы көн.

Җиләк-җимеш бакчасы
Агачларны һәм куакларны кимерүчеләрдән саклау чараларын күрергә кирәк.