Эльвира Хәйруллинаның «Синең өчен» клибы
Эльвира Хәйруллина көе, Элиза Гариф сүзләре.
«Синең өчен»
Менә тагын кырыс язмыш
Безне аермакчы, аермакчы,
Йөрәгемә уклы сөңгелләрен
Кадамакчы, кадамакчы.
Кушымта:
Кем гаепле, мөһим түгел хәзер
Минем өчен, минем өчен.
Утлар-сулар кичәргә дә әзер
Синең өчен, сөю өчен.
Шаярма син, язмыш, безнең белән
Бер дә юкка, бер дә юкка.
Ташламакчы буласың син,
Беләм, ялкын-утка, ялкын-утка.
Таңнар нурсыз, төннәр айсыз бит ул
Яратусыз, сөелүсез...
Яшәү яме булмас җирдә безгә –
Сиңа минсез, миңа синсез.