Аида Гарифуллина башкаруында «Җидегән чишмә» җыры | intertat.tatar

Аида Гарифуллина башкаруында «Җидегән чишмә» җыры

Казан кызы Аида Гарифуллина Вена дәүләт операсы солисты булып эшли.

Россия опера җырчысы, Россиянең атказанган артисты, Татарстанның атказанган артисты, Вена дәүләт операсы солисты Аида Гарифуллина башкаруында «Җидегән чишмә» җыры youtube хостингында 2019 елда урнаштырылган.

Җырның сүзләрен Гомәр Бәширов, музыкасын Сара Садыйкова язган.

«Җидегән чишмә»

Җидегән чишмәләрдә җиде улак,

Челтер-челтер ага көмеш су.

Көмеш сулар ага, кошлар сайрый,

Шул чакларда бигрәк ямансу.


Җидегән чишмәләргә йөзек салдым,

Җидегән йолдыз күреп калсын, дип.

Җанкай-җанаш алсын да куансын,

Вәгъдәләрем булып калсын, дип.


Җидегән чишмәләргә чиләк куйдым,

Пар чиләгем тизрәк тулсынга.

Без сөябез, җаный, яр булсынга,

Без йөрмибез вакыт узсынга.


Җидегән чишмәләрнең талы бөгелә,

Акрын искән җәйге җилләргә.

Сез каласыз инде, без китәбез,

Без китәбез ерак илләргә.