Элвин Грей Казанда төнге клубта сугышкан | intertat.tatar

Элвин Грей Казанда төнге клубта сугышкан

Берәүгә Элвинның тышкы кыяфәте ошамаган һәм ул җырчыга ташланган.
Интернетта җанҗаллы видео тарала - бүген төнлә Казанның төнге клубларының берсендә җырчы Элвин Грей белән музыкант Стас Барецкий сугышканнар.

Вакыйганы күзәтеп торучылар әйтүенчә, беренче булып йодрыкларын Стас болгый башлаган, аңа Элвинның тышкы кыяфәте ошамаган, имеш. Элвин та җавапсыз калмаган. Әмма егетләргә иркенләп сугышырга ирек бирмәгәннәр, шундук аералар.



Социаль челтәрләрдә Элвин белән Стасны "артистлар" дип атап язалар. Имеш, игътибарны җәлеп итәр өчен махсус сугышканнар. Сездә дә шундый шик юкмы?

Соңрак Элвин Грей "сугышканнан соң" фотосын урнаштырды. Бу сорауга җавап өлешчә бар дияргә була.