«Рәхмәт әйтеп саубуллашам» - Айсылу Лерон «Татар радиосы»ннан киткән

Айсылу Лерон радиодан китүе хакында Инстаграм битендә хәбәр итте.

«Тормышым 180°ка үзгәреп маташа. Хәерлегә булсын! «Татар радиосы”на 2008 елда килгән идем. 12 ел узган! Ниләр генә булмады. Көлеп искә алырлык вакыйгалар җитәрлек. Эшләдек тә, ял да итә белдек! «Татар радиосы» — тормышымның бик позитив, хыялый, дәртле бер чоры. Әмма вакыт узу белән күңел кыллары да икенче бер дулкынга көйләнә икән… Рәхмәт әйтеп саубуллашам. Шушы 12 ел эчендә бергә эшләгән җитәкчеләргә дә, хезмәттәшләремә дә рәхмәттән башка сүзем юк! Һәммәсенә уңышлар телим! Мин сезне яратам», — дип язган ул.

Инстачылар Айсылу Леронга уңышлар теләгәннәр.

«Менә сиңа мә! Яхшыга булсын», «Менә инде башта Айваз, аннан Айсылу», «Сез дә бәби көтмисездер бит?», «Барысы да яхшы булыр, уңышлар, Айсылу!», «Менә шулай дип башлыйлар да, ахырын әйтеп бетермиләр. Утыр аннары уйлап төне буе йокламыйча», «Тагын яхшы диджей китә булып чыга инде», «Вакыт үтсә, әби булганчы утырасыгыз калган радиода. 12 ел әз бит, 20гә тутырасыгыз калган», «Журналистлар арасында урын алыштырулар күбәйде әле», «Бу сүзләрне укыганнан соң күзләрем мөлдерәмә яшь белән тулды», — дип яза алар.