Рифат Зарипов гаиләсе белән ял итә торган Төркия курортында коточкыч янгын чыккан
Куркыныч видеоларны җырчы инстаграмда күрсәтә.
Төркиянең Рифат Зарипов гаиләсе һәм әти-әнисе белән ял итә торган Сиде курорты янәшәсендә урманнар һәм Манавгат бистәсе яна. Куркыныч видеоларны җырчы инстаграмда күрсәтә.
Ял итүчеләр баштарак нәрсә булганын аңламый. Аларның кунакханәсеннән ерак та түгел кап-кара төтен чыкканы күренә. Самолетлар һәм вертолетлар, диңгездән су ташып, янгынны сүндерергә тырыша.
Соңрак Рифат Зарипов бу хәлләргә сторисларда аңлатма бирә. «Бу — янгын, дуслар. Иртәнге сәгать 11ләрдә чүплектән башланган һәм урманга капкан. Монда корылык. 40-38 градус эссе. Безнең кунакханәдән 1-2 километр ераклыкта гына, барысы да ачык күренә. 4 самолет, 10 вертолет су ташый. Бөтен җирдә төтен. Ахыры хәерле булсын. Әлегә Антальяга юл ябык, диделәр», — дигән ул.
«Буш йортлар, кара янган урман» - Анталия курорты янында табигый янгыннар котыра.
