Инстачылар Фирдүс белән Гүзәлгә акчаларын дөрес тотарга өйрәтә

Гүзәл Уразова Фирдүс Тямаевның туган көн белән котлаган видеосын куйган.

«Кичә соң булса да уң булсын дип Фирдүс туган көн белән котлады. Шаярып кына минеке 3 нче февраль, котларга онытма, карта телефон номерыма бәйләнгән ди», — дип яза инстаграм сәхифәсендә Гүзәл Уразова.

Җырчыларның акчалары өчен борчылып инстачылар арасында бәхәс купкан:

«Акчаны бер-берегезгә күчереп уйнаганчы, мохтаҗларга күчерсәгез иде. Сезнең кебек булсам, шулай итәр идем»;

«Сез хаклы түгел, алар кебек булырга безгә беркем дә комачауламый, тик без булдыра алмыйбыз. Гафу итегез»;

«Сез барысын да белеп бетермисез бит?! Миңа калса, алар үзләренең мохтаҗларга ярдәм итүләрен сөйләп йөрмиләр. Күптән түгел танышларым үзләренә нәкъ менә Фирдүс һәм Гүзәлнең ярдәм итүләре хакында сөйләгән иде. Шуның өчен дәшми торуыгыз хәерле»;

Җырчыларга карата үзләренең мәхәббәтләрен дә белдерүчеләр бар:

«Сез иң шәпләре, бердәм булганыгыз өчен яратабыз»;

«Фирдус шундый кызык, Гүзәлне матур котлады»;

«Афәрин! Хәлләреннән килә, артист артист инде, нәрсә генә сөйләсәләр дә! Молодецлар! Гүзәл Уразованың күлмәге бик ямьле, килешле. Мин сезне яратам!»;

«Минем дә картам телефон номерыма беркетелгән»;

«Фирдүснең тузга язмаган мәзәкләре»;

«Туган көне белән котлыйм дип, шулкадәр каты кочаклама Гүзәлне. Гүзәл безнеке дә, яратабыз», — дип кисәтү дә ясаганнар Фирдүскә.