Ильмира Нәгыймова: «Хәзер өемдә тавыш юк, балалар юрган астына качмый» | intertat.tatar

Ильмира Нәгыймова: «Хәзер өемдә тавыш юк, балалар юрган астына качмый»

Ильмира Нәгыймова инстаграм челтәрендә хейтерлары белән аралашкан.

Ире Руслан Кираметдинов белән аерылышканнан соң, җырчы Ильмира Нәгыймова инстаграмда балаларын күрсәтә башлады. Аның кызы һәм малае белән урманда йөргән видеопосты астында язылучылары күпсанлы комментарийлар калдырган. Әлбәттә инде, аларның күпчелеге Русланга кагылышлы. 

«Молодец, Ильмира, рәхәтләнеп йөр. Андый ир белән торып булмый», — дигән берсе. 

«Нигә торып булмасын? Нигә андый киңәш бирәсез? Руслан менә дигән ир», — дип җавап язган аңа каршы икенче интернет кулланучы.

«Ярар, балам, менә дигән булса, үзеңә ал. Сине дә тәпәләсен. Карарбыз, кабат ничек сайрарсың», — дигән беренче инстачы.

Русланны менә дигән ир дип санаучыга Ильмира да җавап язмый кала алмаган. «Әллә торып карадыгызмы? Бәлки сез аның сөяркәседер?» — дип сораган ул аннан.

«Җаным, ир белән 40 ел торам. Миңа характерыңны күрсәтмә, өйрәтмә дә. Түздем барысына да. Гомер буе эчте, түздек. Ә хәзер инвалид, шуны карыйм. Шул телеңне тыя белмәгәнгә шундый хәлгә килгәнсең дә инде. Мин артист дип, миңа теләсә нәрсә язып ятма. Үзең үк шуңа кире кияүгә чыгарсың әле. Андый ялагайлар шундый була алар», — дигән ул.

Ильмираның язылучылары арасында Руслан яклысы тагын табылган. «Бик тиз алып китәчәкләр Русланыңны яшь, чибәр кызлар, борчылма. Менә дигән икенче гаилә төзегән артистлар аз түгел. Рөстәм Асаев, Илсаф, Фәрит Таишевлар, мәсәлән», — дигән ул.

«Мин бик шат кына булачакмын аның өчен. Эх, рәхәт инде нулевой аккаунтлардан язышырга. Үзегезнең йөзегезне күрәстергә батырчылыгыгыз җитмидер инде. Мин дә бик бәхетле булачакмын, Аллаһы бирса, сезнең ачуыгызны чыгарып», — дигән аңа каршы җырчы.

«И, бу балалар исән әтиләре була торып, ата назы күрми үсәләр, әниләре аркасында", - дип тә комментарий калдырганнар.

«Кем әйтә күрми үсәләр дип? Әтиләре белән көн саен күрешәләр», — дигән аларга Ильмира. 

Әлбәттә, исерек әти белән яшәгәнче, тынычлыкта яшәсеннәр. Әнләре исән чакта, бала ятим булмый»», — дип хуплаган Ильмираның аерылырга карар кылуын тагын бер инстачы. 

«Исерек шулай матур итеп җырлый алмый», — дип әңгәмәгә кушылган инстачыга җырчы: "Сезгә күрергә язмасын аның исерек чагын», — дип җавап биргән.

«Русланны түбән тәгәрәтмәкче булды, ә үзеннән барлык халык көлде. Руслан өстен булып калды. Бар халык аны ярата», — дип язган бер ир-ат.

«Мин бик шат. Аның каравы, минем өемдә тавыш юк хәзер. Минем өчен бу бик зур бәхет. Балалар юрган астына качмыйлар. Калганына миңа барыбер, өстенме, өстен түгелме», — дигән Ильмира.