«Хайваннарны яратмаган кеше беркемне дә яратмый» - Линара Батталовадан күңелсез хәбәр

Җырлы гаилә Марат Галимов һәм Линара Батталованың Тиффани исемле песиләре авырып киткән.

«Без үзебез кулга ияләштергәннәр өчен җаваплы. Рентген, УЗИ, капельница, укол, дарулар, витаминнар… Аллаһка шөкер, хәлләр яхшырак. Шундый ахмаклык аркасында Тиффанисыз кала яздык. Йорт хайваннарыгызны саклагыз! Беләм, күпләр: „Эшегез юк, ул бит кеше түгел, песи генә“, — дип язачак. Тик минем әлеге вакыйгага карата үз фикерем бар. Хайваннарны яратмаган кеше бөтенләй беркемне дә яратмый, шул исәптән кешеләрне дә», — дип язган Линара Батталова.