Булат Җиһаншинның икенче улы туган | intertat.tatar

Булат Җиһаншинның икенче улы туган

Җырчы инстаграм дусларыннан да сөенеч алган.

Җырчы Булат Җиһаншинның икенче улы дөньяга килгән.

«Сөбханаллаһ, икенче улыбыз туды бүген. Сәламәт, акыллы, тәүфыйклы, бәхетле бул, балам», — дип сөенече белән уртаклаша ул инстаграм сәхифәсендә.

Булат Җиһаншин тагын бер егет бүләк итүе өчен тормыш иптәше Әлфирәгә рәхмәт белдерә.

«Сөенечле хәбәр. Котлыйбыз. Бәхетле бала булсын, тигезлектә үстерегез»; «Иманлы бала булсын, гаиләгезгә тагын да нур өстәсен», — дип тәбрик иткәннәр Булатны инстаграм дуслары.