Асылъяр сәхнәдән югалып тору сәбәбен әйтте | intertat.tatar

Асылъяр сәхнәдән югалып тору сәбәбен әйтте

“Интертат” журналисты җырчыны бер концертта очратып, аның кая югалганын сорады.
“Яшерен-батырын түгел, соңгы еллар гаилә-балалар белән узды. Мин үземне тулысынча аларга багышладым. Җырлар яздырудан туктамадым, әмма концерт эшчәнлеге булмады. Хәзер улым 1 класска китте, кызым балалар бакчасына йөри башлады. Аллаһ боерса, алга таба яңа җырлар да, концертлар да булыр”, - дип сөйли Асылъяр “Илгиз ил гизә” проектында. 
 
Җырчы шулай ук үзенең Казан Дәүләт Мәдәният институтында эшләвен дә әйтә. Анда ул студентларга халыкчан җырлау дәресләрен укыта икән.