Чаллыда чүп чиләге үзен «кыерсыткан» үсмерләргә «җавап кайтарган» — видео | intertat.tatar

Чаллыда чүп чиләге үзен «кыерсыткан» үсмерләргә «җавап кайтарган» — видео

Урамда кеше йөрми башлагач, малайларның чиләккә типкәләгәнен видеокүзәтү камерасы төшереп тора.

Әлеге вакыйганы видеокүзәтү камерасы төшереп тора. Бу турыда «Комсомольская правда» язды.

Төрле электрон җайланмалар куелган «акыллы йорт» турында ишеткән бар, ә менә «акыллы чүп чиләге» турында моңа кадәр юк иде, диелә бу хәбәрдә.

Чаллының 18нче комплексындагы йортларның берсе янында урам бушап калгач, үсмерләр чүп чиләгенә «һөҗүм итә». Ике вандал чиләккә типкәли һәм бер мизгелдә малай үзе чиләккә бәрелә. Бала физика законнарын оныткан, ахрысы. Инерция буенча чиләк артка таба чайкала һәм үсмергә кире килеп бәрелә. 

Шуннан соң икенче үсмер дусты өчен үч алмакчы була. Ләкин ул да физика законнарын белми, дустының тәҗрибәсен дә истә тотмый. 

Чүп чиләге шулай итеп үзенә типкәләгән малайларга «җавап кайтара», диелә хәбәрдә.