Салават Фәтхетдинов “Башкортстанның халык артисты” булды

Шагыйрь Роберт Миңнуллин бу вакыйганы “Ниһаять” дип бәяләгән.

Татарстанның халык артисты Салават Фәтхетдинов бүгеннән Башкортстанның халык артисты исемен йөртә. Бу хакта “Инстаграм”ында шагыйрь Роберт Миңнуллин хәбәр итте.

“Ниһаять! Салават та Башкортстанның халык артисты булды. Котлыйм дустымны, якташымны. Күптән көткән идем. Кем-кем, мәгәр Салават лаек та лаек инде бу югары исемгә! Дөрес әйтәмме? Әллә ялгышаммы? Ничек уйлыйсыз?” дип язган ул.

Роберт абыйның инстадуслары шагыйрь белән килешүен белдергән. Айдар Галимов та үз фикерен язган.

“Дөрес, Роберт абый, әлбәттә, дөрес! Мин дә башкортстанлылар исеменнән котлауларга кушылам”? - дигән ул.

Фикерләр арасында: “Башкорстанлылар бу хезмәтләрне бик озак күрми тордылар” дигәннәре дә бар.