“Гел җырлап йөреп булмас”. Зәйнәб Фәрхетдинова сәхнәдән китәме?

Татарстанның халык артисты Зәйнәб Фәрхетдинова яңа сезонда концертларының күп булмавын белдерде. Бу хакта ул Инстаграмда язган.

“Сезонны ачсам да, концертлар бик күп түгел. Ишетсәгез, килми калмагыз, гел җырлап йөреп булмас”, - дип язган җырчы. Фәрхетдинова шулай ук ерак җирләргә гастрольләргә барып йөрмәячәген дә әйткән.

Күпләр җырчының бу сүзләрен сәхнәдән китү дип кабул иткән, күрәсең. Җырчыга инста-дуслары:

“Күңелеңнән иләс-миләс фикерләрне чыгарып атып, җырла әле син, сандугач!”

“Сез дә җырламасагыз фанерага сикереп йөрүче “җырчылар”ны тыңларга калабызмыни?”

“Сез татар эстрадасының йөзек кашы… Сезгә иртәрәк әле”, - дип комментарийлар калдырганнар.