«Хушбуй сипмәсәм, киемсез кебек»: Айсылу Габдинова иртән ничә минутта бизәнә?

«Кызлар, сез иртән озак җыенасызмы?» - дип мөрәҗәгать иткән җырчы үзенең дусларына.

«Озын чәчле кызлар өчен иң озагы чәчләрне юып, киптерү. Кызганычка, көндә чәчне юмасам үземне уңайсыз хис итәм. Көндәлек макияжга 5 минут китә (ВВ крем, кара карандаш, скульптор, блеск-бетте!)», — дип язган Айсылу Габдинова.

Җырчы иң күп вакыты кием сайлауга, аннары шкафка яңадан тутыруга китүен әйткән. Ә яраткан хушбуен сипмәсә, үзен киемсез итеп хис итә икән.

Инстадуслары «Син супер», «Матуркай», «Чибәркәй» кебек комментарийлар язган.

«Сезне күрү белән сезгә карап елмаясы килеп китте. Күңел күтәрелде Айсылухан», — дигән яхшы кәефле ханым.