Җәвит Шакиров каен җиләгенең «оясын» әйткән | intertat.tatar

Җәвит Шакиров каен җиләгенең «оясын» әйткән

Юмор остасы җиләк тулы чиләкләре фотосын да куйган.

Җәвит Шакиров каен җиләге тутырылган чиләк белән фотога төшкән һәм виртуаль дусларына җиләк «оясы»ның кайда икәнлеген дә әйткән.

«Хәерле көн, дуслар! Каен җиләге җыйдык, Мамадыш юлында күп, барыгыз. Биш минут дигәндә Зөлфия җиде чиләк җыйды», - дип язган юмор остасы.

Инстачылар юмор остасының җиләкне сатып алганын аңлап алганнар да, бәясен сораганнар.

«Кыйммәт түгел 5 литры,

Ике мең ярым!

Чиләге белән алсаң,

300 өстиләр тагын», — дип язган юмор остасы.

«Салаватка калдымы?» — дип борчылган игътибарлы инстачылар.

«Салаватка калмаган!

Кичә үтеп киткән аннан,

Кыйммәт диеп алмаган

Алыр әнә миннән калганын,

Йоклап йөрсә кыш көне,

Әй суырыр бармагын», — дип шаян шигырь белән «җавап биргән» ул.