Илсөя Бәдретдинова тхэквандо дәресләре бирә башлаган

Җырчы сәхнәдә үзенең музыкантына тхэквандо алымнарын күрсәтә.

Илсөя Бәдретдинованың концерт директоры Гүзәл Кәрәмиева үзенең Инстаграм челтәренә кызыклы гына видео урнаштырган. «Илсөя Бәдретдиновадан тхэквондо дәресләре» дип атаган ул аны.

Концерт төркемендәге егетләр «обострение, тагын ни көтәргә», дип шаккаткан.

Гүзәл Карамиева үзе исә: «Ядкәровна, обострениедән берсе операциягә эләкте бит инде, монысын да харап итә күрмә!», — дип кисәтү ясый. Шунда ук Илсөянең көрәш алымнарын, хәтта бокс күнекмәләрен дә оста итеп белүенә аңлатма биреп, «Ул бит бокс белән шөгыльләнгән!», — дип куя.

Гүзәлнең инстадуслары Илсөягә теләктәшлек белдереп, «Молодец, сүзем юк!»; «Искитмәле кеше, шуның хәтле рәхәт, кызык, күңелләр ял итә», — дип яза.