Чулпан Йосыпованың икенчегә кемне көтүе билгеле булды

«Олы улым энекәше белән очрашу мизгелләрен зарыгып көтә», — ди җырчы. 

Җырчы Чулпан Йосыпаның бәби көтүе турында язган идек. Бәбинең малаймы, кызмы икәнлеге билгеле булган. 

«Күңел» радиосы «Сездә нинди хәлләр бар?» сәхифәсе кысаларында җырчы белән элемтәгә кергән. Хәлләрен сорашкан. 

«Аллага шөкер, бик яхшы. Беренче улым белән йөкле вакытта мин соңгы көнгә кадәр эшләдем. Бу юлы исә, бар да тыныч уза. Дөньяда булган хәлләр шулай тәэсир итә.

Без барыбыз да кыз көттек, улым да сеңлекәшем була дип йөрде. УЗИда малай булачак дип әйткәч, шатлыклы күз яшьләрем килде. Димәк, малай көтәбез. Улым хәзер энекәше белән очрашу мизгелләрен көтә», — ди Чулпан.