Бер кыз чәчен ун ел буе дөрес юмаганын ачыклаган

Бер кыз чәчен ун ел буе дөрес юмаганын ачыклаган
Инстаграмда үзен SilverPurse дип таныштырган кыз ун ел буе чәчен дөрес юмаганын ачыклаган. Бу хакта ул пост язган һәм шул посты 28 мең лайк җыйган. 

Кыз гомере буе кавыктан интегүе турында язган. Ул аның сәбәбен баш тиресенең коры булуында күргән, әмма дәвасын таба алмаган. Нинди генә шампунь алса да, кавыгын бетерә алмаган. Берничә чәчтараш аңа башын яхшылабрак юарга киңәш иткән булган, әмма кыз аларны ялгыша дип уйлаган.

Көннәрдән бер көнне кыз, башын юганда, колагын да шампунь белән юган. Шул вакытта аның колак тиресе шыгырдаган тавыш чыгарган. Чиста тире шыгырдап тора, бу шул тавыш булган. Кыз уйга калган: аның баш тиресе юганнан соң беркайчан да андый тавыш чыгармаганын искәрткән.

Кыз балачакта әтисенең аның башын юганын исенә төшергән. Ул вакытта әтисе кызының чәчен баш тиресен ышкып юа торган булган. Кыз үзе исә башын башкача юа торган була - шампуньне бераз чыгара, чәченә сылап күбекләндерә һәм аннары юып төшерә.

Кыз баш төбен ышкып юа башлагач, аның кавыгы беткән. "Мин чәчтарашка дару эчтем дип әйттем, башымны юа белмәгәнемне әйтә алмыйм бит инде", - дип язган инстаграмында кыз.