Гөлназ Сәфәрова балалар өчен телевидение мәктәбе ача

Татарстанның атказанган артисты, танылган алып баручы Гөлназ Сәфәрова балалар өчен телевидение мәктәбе булдырачак. Бу хакта ул Инстаграмдагы сәхифәсендә язды.

«Гөлназ Сәфәрова инстачыларны яхшы хәбәре белән сөендерде. «Дуслар! Зур яңалыгым белән бүлешәм! Мин, ниһаять, озак әзерләнгәннән соң, көз көне тест рәвешендә телевидение буенча курслар алып барганнан соң, балалар өчен үземнең телевидение мәктәбен ачып җибәрергә булдым. Тиздән башлыйбыз!» - дип язган ул.

«Молодец Гөлназ! Уңышлар, көч һәм теләктәшлек итүчеләр сиңа!», «Изге сәгатьтә!» — дигән комментарийлар калдырганнар инстачылар.

«Яр Чаллыда да курслар булачакмы?», «Ничек язылырга була, нинди таләпләр?», «Татар телен белү мәҗбүриме?» — дип кызыксынганнар Гөлназның виртуаль дуслары