Данир Сабиров ялгыш әнисенә акча җибәргән | intertat.tatar

Данир Сабиров ялгыш әнисенә акча җибәргән

Артист йокы аралаш инстаграмны карап бүген әниләр көне дип уйлаган.

Данир Сабиров бүген бераз буталган. Бу турыда ул инстаграм сәхифәсендә язган.

«Йокы аралаш инстаграмны караганда, ялгыш, „бүген әниләр көне“ дип укыганмын. Бәйрәм белән котлап, әнигә 5000 сум салдым. Ул: „Бүген бит әтиләр көне“, — дип җавап кайтарган. „Алай булгач, акчаны җибәр әтигә“, — дидем. Әтиләр көне белән сезне, ӘТИЛӘР!», — дип язган ул.

Инстачылар шул уңайдан үз фикерләрен белдерергә ашыккан:

«Нигә әниеңнән сорадың инде, калсын хәер булып дияргә иде. Данир кайчагында ялгышасың, әтиеңә җибәр яңадан!»

«Флүзә ханым, шул хәтле тырыш, акыллы балалар үстергәнгә рәхмәт. Үзбәк хәйләкәр»;

«Данирдан чыгар инде. Әниең әтиеңә җибәрдеме икән соң, шуны беләсе килә»;

«Тормышта да артист инде син. Анысы әниеңә калсын инде»;

«Әтиеңә дә җибәр инде, биргән әйберне кире алмыйлар. Алар моңа икесе дә лаек. Әнидән башка әти булып булмый».