Чулпан Йосыпованы нәрсә бәхетле итә?
Кешенең бәхетле булу-булмавы йөзенә чыга, диләр. Дөрес икән, игътибар иткән булсагыз, соңгы вакытта Чулпан Йосыпова да нурлар чәчеп тора. Моның сере нидә икән?..
«Бу тормышта нәрсә мине бәхетлерәк итә?
Сәхнә… Бер сәхнәгә чыксаң, аннан китүе бик авыр, чыннан да шулай…
Җырлау… Мин җырларга яратам, бик! Җырлаудан дәрт алам, көч алам…
Фиданым минем белән булганда…
Әйе, менә шундый мин хәзер. Элек мин ялгызлыкны яратам идем. Ялгызым юлда йөрергә, эшкә барырга, кибеттә йөрергә… Ә хәзер Фиданнан башка «вубщем» беркая да бармыйм, барасы да килми, рәхәт аның белән.
Гаиләбез белән кич үз өебездә булу… Шундый рәхә-ә-әт, гомумән, Аллага шөкер, өйгә кайтасы килеп тора.
Ә сезне нәрсә бәхетле итә?» — дип язган Чулпан инстаграмда.
Чулпанның инде башка берәүне дә сөя алмам, улымны ялгызым гына аякка бастырырмын, дип йөргән чаклары да булган бит. Бу турыда ул үзе язган иде. Үзеннән шактый өлкәнрәк яшьтәге Фидан белән ул көтмәгәндә-уйламаганда гына танышкан. Хәзер аның бәхетенә якыннары, инстадуслары да сөенә. «Бәхет телим сезгә, кадерлем», «Тигезлек сезгә, күзләр тимәсен», «Җан тынычлыгы булса, бар да яхшы була, апаем», — дигән комментарийлар калдырганнар.