«Карантин усал булган, Данир авырга узган» — Сабировлар бәби көтәме?

Данир Сабировның тормыш иптәше инстаграмга кызык фото куйган. Бу фото артында сер ята дип фаразлаучылар бар.

Миләүшә Сабирова авырлы хатын булып киенгән Данирны кочаклап тора. 

«Бу фото 500 комментарий җыйса, бәбине җиңел табачакбыз», — дип язган Миләүшә. 

«Хатыннан малай булмады инде, үземә калды дип атарга мөмкин бу фотоны»;

«Карантин усал булган, Данир авырга узган»;

«Авырлы хатынга тиз арада депиляция ясарга кирәк», — дип комментарийлар калдырган инстачылар. 

Виртуаль дусларының икенче төркеме әлеге фотоны урынсыз дип тапкан.

«Гомумән көлке түгел, балаларыгыз күрер, оят булырга тиеш»;

«Иң яратмаганым — ир-атның хатын-кыз булып киенүе»;

«Абау, бигрәк ямьсез, әле ярый ир-ат булгансыз»;

«Тәүбә-тәүбә, ярый кыз булмаган, гомер кияүгә чыга алмый картаер иде», — дигәннәр. 

Бу фото артында сер ята дип фаразлаучылар да бар. «Миләүшә корсагын ире артына яшергән кебек, әллә чынлап та малай артыннан киткәннәр инде», — ди алар.