Кияү кәләшне йөк машиналарынан торган кортежга утыртып йөрткән - видео

Кияү кәләшне йөк машиналарынан торган кортежга утыртып йөрткән - видео
Иваново өлкәсендәге Вичуга шәһәрендә төшерелгән туй видеосы интернетта популярлык казанды. Кияү белән кәләш лимузин урынына йөк машиналарын сайлаган. Бизәлгән зур машиналар колоннасын күргән кешеләр, гаҗәпкә калган. Бу турыда РИА Новости хәбәр итте.

9 августта булган туй тантанасы кадрларын уннарча кеше караган инде. 



Ролик герое - кәләш Юлия Гусарова киявенең Мәскәүдә дальнобойщик булып эшләвен әйткән. Туйны йөк машиналарында уздыру фикере дә кияүнеке икән.

"Өч тягач булды. Күпме ягулык кирәк булгандыр, чыннан да әйтә алмыйм. Без акчаны кызганмадык. Буш килеш йөргән йөк машиналар белән тагын өч джип, микроавтобус та бар иде. Ирем - дальнобойщик. Бу аның идеясе, мин дә хупладым. Без ЗАГСка беренче машинада бардык. Кабинага менеп утыру гына кыен булды. Туй күлмәксез дә анда менү авыр бит. Мин гомеремдә беренче тапкыр шундый кабинага менеп төштем. Туйга бер көн алдан гына нинди машиналар буласын күрдем. Ирем белән туйга кадәр сигез ел бергә булдык", - дип сөйләгән кәләш.