Фирдүс Тямаевны «блогер куяным» өчен тәнкыйтьлиләр

Нәни Кәрим тренажерда рәхәтләнеп шөгыльләнә.

Җырчы Фирдүс Тямаев Инстаграмдагы сәхифәсендә балаларын күрсәтеп тора. Бу юлы ул нәни Кәримнең йөгерә торган тренажерда уйнаганын күрсәтте. «Блогер куяным спорт белән шөгыльләнә», — дип яза ул видео янына.

Кадрларда сабыйның сөенә-сөенә «беговая дорожка»да чапканы күренә.

Инстачылар балага соклана, «күз тимәсен», «нәкъ әтисе була», дип язалар.

Арада бу хәлне ошатмаучылар да табылган. «Кешегә «куяным» дияргә ярамый. Безнең әбекәйләр алай әйтергә кушмый иде. Кеше гомерен куян белән тиңләргә ярамый», - дип яза бер инстачы.

Башкалар исә мактау яудыруын дәвам итә. «Бу нурлы кояш бит, баллы, батыр, әтисеннән дә текәрәк булачак», - диләр.